BBC navigation

Shirin gasar cin kofin Afirka na gab da haduwa a Afirka ta Kudu

An sabunta: 28 ga Maris, 2012 - An wallafa a 17:33 GMT
Afirka ta Kudu

Afirka ta Kudu

Biranen Afirka ta Kudu dake fatan karbar bakuncin gasar cin kofin nahiyar Afirka a badi, za su san matsayin su a ranar 4 ga watan Afrilu.

Garuruwa shidda ne suka bayyana sha'awar su ga kwamitin dake shirya gasar.

A baya dai an shirya cewa za su gabatar da bayanin yadda za su karbi bakuncin a ranar Jumua, to amma suka nemi a ba su karin lokaci.

Afirka ta Kudu dai ta samu damar karbar bakuncin wasan na cin kofin Afirka ne, bayan da aka bayyana Libya wadda ita ce a baya ya kamata ta karbi bakuncin gasar na shekarar 2013, da cewa ba ta da cikakken tsaro.

Biranen Johannesburg, da Cape Town, da Polokwane, da Rustenburg da kuma Nelspruit suka bi sahun biranen da aka buga wasan cin kofin duniya, wato Bloemfontein, da Port Elizabeth da Durban, wurin neman karbar bakuncin gasar.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.