BBC navigation

Arsenal za ta ziyarci Najeriya a watan Agusta

An sabunta: 4 ga Mayu, 2012 - An wallafa a 18:21 GMT
Arsenal za ta ziyarci Najeriya a watan Agusta

Arsenal na da magoya baya sosai a Najeriya

Kungiyar Arsenal ta Ingila za ta ziyarci Abuja babban birnin Najeriya a ranar 5 ga watan Agusta mai zuwa domin buga wasannin sada zumunta.

A cewar wadanda suka shirya ziyarar, DanJan Sports, mai yiwuwa Arsenal za ta kara da daya daga cikin manyan kasashen nahiyar Afrika.

Wannan zai zamo karon farko da Arsenal za ta taka leda a Najeriya.

"Muna aiki wurin tantance wadanda Arsenal za ta kara dasu, kuma da zarar mun kamala za mu sanar da jama’a tare da kulob din," a cewar David Omigie na DanJan Sports.

"Najeriya ce tafi kowacce kasa yawan jama’a a nahiyar Afrika, kuma kungiyar da tafi kowacce yawan magoya baya a kasar za ta kai ziyara a watan Agusta."

“Wannan wata mafara ce ta wani babban lamari tsakanin kulob din da nahiyar Afrika.”

A jawabin da suka wallafa a shafinsu na internet, Arsenal ta ce: "Lokaci na karshe da Arsenal ta ziyarci Afrika shi ne a watan Yulin 1993, lokacin da suka je Afrika ta Kudu, kuma za ta koma sakamakon goyon bayan da take samu a Najeriya dama sauran sassan Afrika”.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.