BBC navigation

Al Wasl ta kori Maradona

An sabunta: 11 ga Yuli, 2012 - An wallafa a 16:23 GMT
diego mradona

Diego Maradona

Kungiyar wasan kwallon kafa ta Al Wasl ta Hadaddiyar Daular Larabawa, UAE, ta kori Diego Maradona daga matsayin kocinta watanni goma sha hudu bayan daukar sa aiki.

Tun a watan Yuni ne ake tantama game da matsayin Maradonan bayan da gaba dayan 'yan hukumar gudanarwar kungiyar su ka ajiye aikinsu saboda kungiyar ta kammala kakar wasanni ba tare da daukar ko da kofi daya ba.

A watan Mayu na 2011 ne Maradona dan shekara 51 ya kama aiki da kulub din kuma har yanzu yana da shekara daya da ta rage masa a kwantiragin.

Kungiyar ta dauko Maradona ne domin ya taimaka mata ta farfado amma ta kare a matsayi na takwas a rukunin kwararru na kasar kuma da bambamcin maki 29 tsakaninta da zakarun lig din kasar Al Ain.

A watan Maris na wannan shekara ce Maradonan ya shiga wajen 'yan kallo domin kare matarsa a lokacin da magoya bayan kungiyar su ke zagin mata da kuma 'yan matan 'yan wasan kungiyar lokacin da kungiyar ta sha kashi a hannun Al Shabab da ci 2-0.

Kungiyar Al Wasl ta Hadaddiyar Daular Larabawa, UAE, ta kori Diego Maradona a matsayin kocinta watanni goma sha hudu bayan daukar sa aiki.

Tun a watan Yuni ne ake tantama game da matsayin Maradonan bayan da gaba dayan 'yan hukumar gudanarwar kungiyar su ka ajiye aikinsu saboda kungiyar ta kammala kakar wasanni ba tare da daukar ko da kofi daya ba.

A watan Mayu na 2011 ne Maradona dan shekara 51 ya kama aiki da kulub din kuma har yanzu yana da shekara daya da ta rage masa a kwantiragin.

Kungiyar ta dauko Maradona ne domin ya taimaka mata ta farfado amma ta kare a matsayi na takwas a rukunin kwararru na kasar kuma da bambamcin maki 29 tsakaninta da zakarun lig din kasar Al Ain.

A watan Maris na wannan shekara ce Maradonan ya shiga wajen 'yan kallo domin kare matarsa a lokacin da magoya bayan kungiyar su ke zagin mata da kuma 'yan matan 'yan wasan kungiyar lokacin da kungiyar ta sha kashi a hannun Al Shabab da ci 2-0.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.