BBC navigation

Murray ya zama zakaran Olympics na Tennis

An sabunta: 5 ga Agusta, 2012 - An wallafa a 21:00 GMT
andy murray

Andy Murray

Dan wasan tennis na Burtaniya Andy Murray ya sami nasarar lambar zinariya ta wasan Olympics bayan da ya yi galaba akan Roger Federer na Switzerland a zagayen wasa uku a jere.

Murray ya lallasa Federer ne wanda shi ne zakaran duniya a wasan da ci 6-2 6-1 6-4. a abin da yake kamar ramuwar gayya ce ta yadda Federer din ya lallasa Murray din kusan wata daya da ya wuce a wasan karshe na gasar wimbledon.

Da wannan nasara yanzu Andy Murray dan shekara 25 ya zama dan Burtaniya na farko da ya sami nasarar cin lambar zinariya ta wasan tennis na 'yan wasa dai-dai maza tun bayan da Josiah Ritchie yaci lambar a 1908.

Juan Martin del Potro dan Argentina shi ne ya zamo na uku na gasar bayan da ya sami nasara akan Novak Djokovic dan Serbia da ci 7-5 6-4.

Bayan ya yi nasara akan Federer Andy Murray ya sake yin wani wasan na karshe na 'yan wasa bibbiyu tare da Laura Robinson sai dai a wannan karon sun sami lambar azurfa ce bayan da abokanan karawar tasu Victoria Azarenka da Max Mirnyi suka yi galaba akansu da ci 2-6 6-3 10-8.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.