BBC navigation

Assaidi zai koma Liverpool daga Heerenveen

An sabunta: 16 ga Agusta, 2012 - An wallafa a 22:06 GMT
oussama assaidi

Oussama Assaidi

Dan wasan Kungiyar Heerenveen ta Holland Oussama Assidi dan kasar Morocco zai koma Liverpool kamar yadda kulob din sa ya sanar.

Dan wasan mai shekara 24 wanda zai je Liverpool ta duba lafiyarsa idan yi nasarar binciken zai zama sabon dan wasa na uku da kocin Liverpool Brendan Rodgers ya saya a bana.

Assaidi ya ciwa kungiyarsa kwallaye 20 a wasanni 68 da ya buga mata.

Ya bugawa kasarsa Morocco wasa sau 22 tun lokacin da ya fara yi mata wasa a watan Fabrairu na 2011.

Rodgers ya ce yana saran sayen wasu karin sababbin 'yan wasan daya ko biyu kafin fara wasansu na Premier na bana ranar Asabar da gidan West Brom.

Ana ganin Liverpool za ta sayi dan wasan Barcelona Cristian tello mai shekaru 21 da kuma dan wasan Real madrid Nuri sahin dan shekara 23.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.