BBC navigation

Real Madrid za ta kara da Barcelona a Super Cup

An sabunta: 23 ga Agusta, 2012 - An wallafa a 12:08 GMT
Mai horar da 'yan wasan Real Madrid, Jose Mourinho

Mai horar da 'yan wasan Real Madrid, Jose Mourinho

Mai horar da 'yan wasa na kulob din Real Madrid, Jose Mourinho ya ce sabanin da ya samu da mai horar da 'yan wasa na kulob din Barcelona, Tito Vilanova ba zai yi tasiri a wasan da za su buga a yau ba.

Mourinho ya zunguri kan tsohon mataimakin shugaban Barcelona, yayin da Vilanova shi kuma ya mare shi, hakan ya faru ne a kasar wasannin da ta gabata.

Game da wasan da kulob din biyu za su buga a yau a gasar Super Cup ta Spaniya, Mourinho ya ce " Taka ledar bai shafi Pep ko Tito ba, mun san dai za mu yi wasa ne da barcelona."

Wasan na El-Clasico a farkon gasar Super Cup za a yi kara ne a filin wasa na Nou Camp, yayin da a ranar 30 ga watan Satumbar shekarar 2012 kuma, filin wasa na Bernabeu zai dau bakuncin wani El-Clasico.

Mourinho ya kara da cewa yana ganin wasan ba zai yi wani tasiri ga kakar wasanni na bana ba, kuma idan yana da zabi da ya fi son Real ta fadi a gasar Super Cup, amma mu yi nasara a gasar La liga, kamar yadda ya faru a bara.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.