BBC navigation

Phil Jones zai dauki makonni 8 bai buga wasa ba

An sabunta: 9 ga Satumba, 2012 - An wallafa a 16:50 GMT

Dan wasan Manchester United Phil Jones

Manchester United ta sanarda cewar mai tsaron gidanta Phil Jones zai dauki makonni 8 ba tare da ya buga wasa ba bayanda aka yi masa tiyata a gwiwa.

Ya zuwa yanzu dai Jones dan shekaru 20 bai buga wasa ko daya ba a wannan zangon saboda rauninda ya samu a bayansa yayin wasannin share fagen shiga zango;yayinda kuma ya samu wannan sabon raunin wurin daukar horo a farkon makonnan.

Kakakin Kulod din yace Jones wanda shine na biyar daga cikin 'yan wasan kungiyar ba su buga wasa saboda raunukka, zai bukaci makonni 6 kafin ya warke.

Dan wasan dan kasar Ingila dai zai rasa damar buga wasanni shidda na Premier league da kuma wasanni biyu na gasar Zakarrun turai da Manchester United za ta buga tsakanin watannin Satumba da Oktoba; sai dai manajan kungiyar Sir Alex Ferguson yana fatan zai dawo buga wasa sa'adda Arsenal za ta ziyarci Old-Trafford ranar 3 ga watan Nuwamba.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.