BBC navigation

Man. City zai cigaba da rike Silva

An sabunta: 10 ga Satumba, 2012 - An wallafa a 18:10 GMT

Dan wasan Manchester City David Silva

Kulob din Manchester City yana shirin baiwa dan wasansa David Silva sabon kwantaragin shekaru 5 domin kawarda sha'awarda Real Madrid suka nuna a kansa.

Jami'an Kulob din na City sun gana har sau 3 da mashawartan dan wasan dan kasar Spain a wannan zangon wasannin; kuma sun amince kan wasu sharudda da za su saka shi cikin jerin 'yan wasanda suka fi samun albashi mafi tsoka a kungiyar.

Sabanin wasu rahotannin, tattaunawar ta tafi a tsanake tsakanin bangarorin biyu kuma zakarun na gasar Premier League sun amince da biyansa Fan 240,000 a mako; da hakan kuma sun hakikance cewar sun kakkabe hannuwan Real madrid daga dan wasan.

Kwantaragin Silva da Kulob din na City ta yanzu dai za ta kare ne a 2014 kuma jami'an Real Madrid sun sakawa dan wasan mai shekaru 26 ido a duk tsawo wannan zangon.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.