BBC navigation

Ricky Hatton na shirin dawo wa fagen dambe

An sabunta: 13 ga Satumba, 2012 - An wallafa a 15:35 GMT

Tsohon mai rike da kambun wasan dambe na duniya na bangaren masu nauyi, Ricky Hatton na gab da komowa fagen wasan dambe, hakan ya biyo bayan bayyanar da yayi a gaban jami'an wasan dambe inda ya nemi a maido masa da lasisinsa.

Ricky Hatton dan wasan dambe

Ricky Hatton dan wasan dambe

Dan wasan mai shekaru 33 ya halarci ganawar hukumar dake sa ido a kan wasan dambe ta Birtaniya, gabbannin taron manema labarai da za a yi a ranar Juma'a.

Babban sakataran hukumar, Robert Smith ya shaidawa BBC cewa " Za a mayar masa da lasisin nasa da zarar an kammala binciken lafiyarsa".

"Ya yi magana lafiya kalau kuma da alamun yana cikin koshin lafiya, sannan kuma yana so a kara bashi wata dama da 'yan kallo za su jinjina masa."

Hatton wanda aka yi wa lakabi da The Hitman a turance bai sake shiga fagen dambe ba tun lokacin da Manny Pacquiao ya naushe shi ya suma a watan Mayu na shekarar 2009.

A shekarar 2010 hukumar kula da wasan damben Birtaniya ta karbe kambun Hatton, saboda zargin da aka yi masa na amfani da hodar ibilis.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.