Nadal ya yi nasara a Mexico

  • 27 Fabrairu 2013
rafeal nadal
Rafeal Nadal ya na neman farfadowa

Tshohon zakaran wasan tennis na duniya Rafeal Nadal ya fara yunkurin daukar kofinsa na 38 na gasar filin turbaya (clay-court) da nasara a Mexico.

Tsohon zakaran ya yi galaba ne a kan Diego Sebastian Schwartzman wanda ba ya cikin fitattun gwanaye na duniya da maki 6-2 6-2 a wasansa na zagayen farko a gasarATP ta Acapulco.

Nadal wanda ya dawo fagen wasan kwanannan bayan watanni 7 yana jiyyar ciwon guiwa ya fitar da Schwartzman a mintuna 68 ne kawai a Mexico.

Rafeal wanda sau 11 yana daukar kofin manyan gasannin tennis, yanzu zai fuskanci dan Argentina Martin Alund shi ma da baya cikin jerin gwanayen tennis na duniya.

A farkon watannan ne tsohon zakaran ya yi nasarar daukar kofinsa na gasar ta turbaya na 37 a Sao Paulo ta Brazil.

Tsohon zakaran dan kasar Spaniya da a yanzu ya ke matsayi na biyar a duniya ya na kokarin farfado da wasansa a gasar filin turbayar kafin ya koma wasa a filin dabe (hard court)

Ana saran Nadal zai yi wasa a gasar gwanaye a Monaco a watan Aprilu, sannan kuma zai yi wasa a Madrid da Roma kafin fara gasar French Open a Paris.

Karin bayani