Messi zai yi jinyar mako uku

Barcelona Hakkin mallakar hoto Getty Images
Image caption Barcelona tana mataki na uku a kan teburin La Liga

Dan kwallon Barcelona, Lionel Messi, zai yi jinyar mako uku, bayan da ya yi rauni a karawar da kungiyar ta tashi 1-1 da Atletico Madrid a Camp Nou.

Kungiyoyin biyu sun kara ne a wasan mako na biyar a gasar La Liga a ranar Laraba.

Messi ya yi rauni ne bayan da aka koma hutun rabin lokaci, inda Arda Turan ya canje shi a karawar.

Messi ba zai buga wa Barcelona wasanni uku ba ke nan -- ciki har da karawar da za ta yi da Sporting Gij├│n da Celta Vigo da kuma wanda za ta yi da Borussia M├Ânchengladbach a gasar kofin zakarun Turai.

Barcelona tana mataki na uku a kan teburin La Liga da maki 10, inda Real Madrid ke matsayi na daya da maki 13, Sevilla ce ta biyu da maki 11.