Klopp zai karbi bakuncin Mourinho a gasar Premier

Premier Hakkin mallakar hoto Getty Images
Image caption Wannan ne karo na shida da za a fafata tsakanin Klopp da Mourinho

A ranar Litinin kociyan Liverpool, Jurgen Klopp, zai karbi bakuncin Jose Mourinho na Manchester United a gasar cin kofin Premier wasan mako na takwas a Anfield.

Klopp tsohon kociyan Borrusia Dortmund wanda ke jan ragamar Liverpool ya fafata da Mourinho a lokacin da ya yi kocin Real Madrid da Chelsea.

Cikin wasannin da suka kara a tsakaninsu, Klopp ya ci guda uku, Mourinho ya lashe daya suka yi canjaras a karawa daya.

A yawan cin kwallaye kuwa Mourinho ya ci guda 11, shi kuwa Klopp guda bakwai ya ci a fafatawa biyar da suka hadun.

Ga jerin karawa da suka yi tsakanin Klopp da Mourinho:

  1. Borussia Dortmund 2-1 Real Madrid (Gasar cin Kofin Zakarun Turai, Oktoba 2012)
  2. Real Madrid 2-2 Borussia Dortmund (Gasar cin Kofin Zakarun Turai, Nuwamba 2012)
  3. Borussia Dortmund 4-1 Real Madrid (Gasar cin Kofin Zakarun Turai, Afirilu 2013)
  4. Real Madrid 2-0 Borussia Dortmund (Gasar cin Kofin Zakarun Turai, Afirilu 2013)
  5. Chelsea 1-3 Liverpool (Gasar cin Kofin Premier League, Oktoba 2015)