Kamaru ta yi watsi da gwanayen 'yan wasanta

Kocin Kamaru Hugo Broos Hakkin mallakar hoto Getty Images
Image caption Hugo Broos ya ki daukar fitattun 'yan wasan Kamaru da yawa zuwa gasar ta kofin Afirka a Gabon

Kocin Kamaru Hugo Broos ya ki sanya sunayen fitattun 'yan wasa da dama a tawagar kasar mai 'yan wasa 23 da za ta je gasar cin kofin Afirka a Gabon a wannan watan.

Daman tuni 'yan wasa bakwai da suka hada da dan bayan Liverpool Jokl Matip da dan wasan gaba na Schalke 04 Eric Choupo-Moting suka ce ba za su je gasar ba.

Dan wasan baya Aurilien Chedjou, na Galatasaray ta Turkiyya na daga fitattun da kocin ya ki sanya wa a tawagar da ta kunshi 'yan wasan gida biyu kawai.

Tun a ranar Talata tawagar ta kamaru, The Indomitable Lions, ta fara atisaye a Yaounde.

Kuma a ranar Alhamis din nan ta yi wasan sada zumunta da gwaji da tawagar Jamhuriyar Dumokuradiyarr Congo, inda ta doke bakin nata 2-0.

Oyongo ne ya ci mata kwallon farko a minti na 53, yayin da Bassogog ya ci ta biyu a minti na 64, a wasan da aka yi a Yaounde.