Iniesta bai yanke makomarsa a Barcelona ba

Barcelona Hakkin mallakar hoto Getty Images
Image caption Iniesta ya buga wa Barcelona wasa 434 ya ci kwallo 35

Watakila kungiyoyin Premier suyi rububin daukar Andres Iniesta, bayan da ya sanar cewar bai yanke hukuncin barin Barcelona ko zama a kungiyar a karshen kakar shekarar nan.

Dan wasan mai shekara 33, wanda ya saka hannu kan yarjejeniyar rai da rai a Nou Camp a watan Oktoba, ya ce ba shi da tabbaci idan zai iya saka kwazon da kungiyar ke bukata.

Ana alakanta Iniesta da cewar zai koma buga gasar kasar China, kuma watakila kungiyoyin Ingila za su so daukar kwararren dan wasan da ya gwanan ce wajen buga wasan tsakiya.

Iniesta zai buga wa tawagar kwallon kafa ta Spaniya wasan sada zumunta da za ta yi da Jamus da kuma Argentina.

Dan wasan ya buga wa Barcelona wasa 33 a kakar shekarar nan.

Labarai masu alaka