Mohamed Salah: Kun san Balaraben da ya 'gagari' Turawa?

Mo Salah Hakkin mallakar hoto Getty Images
Image caption Salah aka zaba gwarzon dan wasa a gasar Premier a bana

Kwanaki biyu bayan Mohamed Salah ya karbi kyautar gwarzon dan wasan Ingila na bana, dan wasan na Masar ya sake nuna kansa a Turai, a matsayin wanda zai iya zama gwarzon dan wasan duniya.

Salah ya kayatar da magoya bayan Liverpool da duk wani masoyin kwallon kafa a duniya a yayin da Liverpool ta lallasa Roma da ci 5-2 a gasar zakarun Turai a karawar farko na zagayen daf da na karshe.

Kwallo biyu Salah ya ci sannan ya bayar aka ci biyu a daren da magoya bayan Liverpool ba za su taba mantawa ba a Anfield.

Yanzu kwallo 43 Salah ya ci a wasa 47 a kakar bana, kwazon da ya sa wasu ke kwatanta dan wasan da fitattun 'yan kwallo irinsu Lionel Messi da Cristiano Ronaldo da kuma Neymar.

Wannan ya sa wasu ke ganin Salah ya cancanci ya lashe kyautar gwarzon dan wasan duniya ta Ballon d'Or.

Abin mamaki shi ne yadda wannan Balarabe, dan kasar Masar, ya zo ya daga tuta a cikin Turawa, a cewar wasu masu sharhi kan al'amuran wasanni.

Babu wani Balarabe da ya taba yin irin bajintar da Mo Salah yake yi.

Tsohon dan wasan Wales, Robbie Savage ya shaida wa BBC cewa: "Dole ne a ba shi Ballon d'Or," bayan kwallo biyun da Salah ya jefa a ragar Roma.

Ya ce Salah yana da kyau, "Kada a damu da kyautar PFA da ya lashe, kawai a ba shi Ballon d'Or."

Tsohon dan wasan Liverpool Robbie Fowler wanda aka taba zaba domin lashe kyautar a 1996, ya bayyana Salah a matsayin "dan wasa mai ban mamaki".

Kishirwar wasan karshe a Kiev zai tabbata idan har Liverpool ta kammala aikinta a Rome a karawa ta biyu.

Bajintar Mohamed Salah

Balarabe 'ya gagari' Turawa

43

Kwallon da ya zura a kakar bana a dukkan wasanni

43

Ian Rush ne kawai ya fi shi zura kwallo a kaka guda a tarihin Liverpool

  • 41 Na biyar a jerin 'yan wasan da ke da hannu a kwallo fiye da 40 a kaka guda

  • 31 Kwallon da ya zura a gasar Premier ta bana - shi ne ya fi kowa zura kwallo

  • 10 Kwallon da ya zura a gasar zakarun Turai ta bana

  • 10 Dan Afirka na farko da ya zura akalla kwallo 10 a gasar a kaka guda

Getty

Idan an kammala gasar zakarun Turai ne kuma, Salah zai sake nuna kansa a duniya, a yayin da zai jagoranci Masar a gasar cin kofin duniya a Rasha.

Salah ne dan wasan Afirka na farko da ya ci kwallo akalla tara a kakar wasa a tarihin gasar zakarun Turai.

Salah ya jefa kwallo a raga a wasa biyar a jere da aka fara da shi a gasar zakarun Turai.

Ta yaya za a kwatanta Salah da su Ronaldo?

Dan wasan Real Madrid Cristiano Ronaldo da Lionel Messi na Barcelona da kuma Neymar na Paris St-Germain su ake gani mafiya shahara a duniyar tamaula a yanzu, amma ta yaya za a kwatanta kwazonsu a bana da Salah?

Dan wasa Wasan da aka buga Kwallo Taimako a ci kwallo Nasara wurin kai hari Samar da damar cin kwallo Harin da ya nufi raga
Salah 47 43 13 23.89 87 90
Ronaldo 39 42 8 16.22 53 111
Messi 50 40 18 14.81 112 127
Neymar 30 28 16 20.59 98 63
Na'urarku na da matsalar sauraren sauti
Za mu Musulunta saboda Mo Salah - magoya bayan Liverpool

Labarai masu alaka