Коомдук кеңештерге конкурс жарыяланды

Коомдук кеңештердин иштерине баа берүү жана келечек пландары тууралуу өткөн жыйын

Кыргызстанда мамлекеттик органдардын алдында түзүлгөн коомдук кеңештерге конкурс жарыяланды. Бул тууралуу бүгүн Коомдук кеңештердин иштерине баа берүү жана келечек пландары тууралуу өткөн жыйында айтылды.

"Кыргызстанда жалпысынан 300дөй коомдук кеңешме бар. Алардын мүчөлөрү эки жылда бир алмашып турууга тийиш. Андыктан биз мамлекеттик мекемелердин алдындагы коомдук кеңешмелердин мүчөлөрүн алмаштыруу кезеги келди. Кыргызстанда учурда бийлик кызматкерлерине эл үнүн жеткирип турган коомдук кеңештердин орду чоң. Андыктан бул эки тараптын мамилесин чыңдоо аракети дале болсо көрүлүп жатат", - деди Коомдук кеңештерге мүчөлөрдү тандап алуу боюнча комиссиянын өкүлү Зульфия Көчөрбаева.

Экс-президент Роза Отунбаеванын демилгеси менен 2010-жылдын ноябрь айында Кыргызстанда мекемелердин ишмердүүлүгүн көзөмөлдөй турган байкоочу кеңештер бардык министрликтерде түзүлгөн болчу. Бирок коомчулукта алар формалдуу түрдө эле иштеп келатат деп сындагандар арбын.