Лениндин жеңишинен кийин каршылык акциялары башталды

Борбор калаада каршылык акциясына чыккандар полиция тосмосун жарып өтүүгө аракет кылды. Сүрөттүн автордук укугу Getty Images

Эквадордо жекшембиде өткөн президенттик шайлоодогу добуштардын 96 пайызы эсептелип чыккандан кийин толкундоолор башталды.

Мурдагы вице-президент Ленин Морено консерватор Гильермо Лассону аз гана айырма менен утуп чыккан. Андан соң утулган талапкер өз тарапташтарын көчөгө чыгууга үндөдү.

Сүрөттүн автордук укугу Reuters
Image caption Борбор калаада каршылык акциясына чыккандар полиция тосмосун жарып өтүүгө аракет кылды.

Ленин Морено болжолу 51% добуш алды. Консерватор Гильермо Лассо 49% добушка ээ болгон. Шайлоо алдындагы авторитеттүү сурамжылоолордун биринде Лассо жеңишке жетери айтылып, аны талапкер "Твиттердеги" барагына жайгаштырган. Бирок кырдаал өзгөрүп кетти.

Эквадордун Шайлоо кеңеши расмий тыянактарды жарыялай элек. Учурдагы Президент Рафаэль Корреа социалдык тармактагы баракчасына Моренонун жеңишке жеткени анык болуп калганын, 200 миң добуш айырмасы бар экенин жазган.

Сүрөттүн автордук укугу Reuters
Image caption Каршылык акциялары бүтүндөй өлкө боюнча өтүүдө. Сүрөттө Гуаякиль шаары.

Лассо атаандашы административдик ресурс колдонуп жана бюллетендерди бурмалады деп айыптап жатат.

Дагы бир кызык жагдай өлкөдө ким Президент болоору WikiLeaks сайтынын негиздөөчүсү Жулиан Ассанждын дагы тагдырына таасир тийгизмекчи. Ал алты жылдан бери Лондондогу Эквадор элчилигинде баш калкалап жүрөт.

Лассо эгер жеңишке жетишсе Ассанжды ал жерден 30 күндүн ичинде чыгара турганын билдирген.

"Мен чын жүрөктөн Лассо мырзаны 30 күндүн ичинде Эквадорду таштап (оффшордук миллиондору менен же ансыз) чыгып кетүүгө чакырам»,- деп жазды "Твиттер" баракчасына Ассанж.

Тектеш темалар