Кралската комисија за загадување го одби предлогот нано-материјалите да се забранат веднаш и рече дека некои од нив - како на пример оние кои се користат во кремите за сончање, имаат големи предности.

Претседавачот на Комисијата, Џон Лотон, рече дека тоа се многу мали честички, често милион пати помали од зрно песок.

Постојат стравувања дека токсичните нано-честички можат да поминат преку човечката кожа и да ги преминат заштитните бариери во делови како што е мозокот или фетусот во матката.

Козметички препарати со „нано"-честички се употребуваат нашироко и покрај нерешените прашања за нивната безбедност, предупредува и Агенција за заштита на потрошувачите.

Многу производи за нега на кожата, како креми за сончање или оние против брчки, ја содржат оваа технологија за да може полесно да се нанесуваат, но и да не се забележуваат на кожата.

Стручните лица се загрижени за долготрајните последици, бидејќи многу од производите не споменуваат дека содржат нано-материјали кои се и за 80 илјади пати помали од ширината на човечкото влакно.