Наддавањето за преку 50 тони слонови заби во Преторија, беше најново во низата од неколку одржани во јужна Африка и одобрени од Обединетите нации.

Килограм се продаваше за 142 долари и беа собрани помалку од 7 милиони долари, што е помалку од очекуваното.

Стоката мора да се продаде само на службено одобрени купувачи од Кина и Јапонија, а парите мора да се потрошат на заштита на животните.

Оние што ја критикуваа аукцијата, земји како Кенија, се пожалија дека со создавање на законски пазар за слонова коска, се охрабрува незаконскиот лов.

Во текот на изминативе две седмици, Намибија, Боцвана и Зимбабве ги продадоа своите залихи од слонова коска.