Коридор 8

На форумот ќе се расправа за светска финансиска криза, подобрување на инфраструктурата во регионот и за енергетиката на Балканот.

ДНЕВНИК известува за план за изградба на патишта во следните три години тежок 2,7 милијарди евра.

Парите би требало да бидат обезбедени како заем од Светската банка, и од буџетот, а ќе се гради „Коридорот 8“ кој е врската со Бугарија и Албанија, потоа обиколница околу Охрид, далновод Ниш-Штип и десетици други проекти.

Општини

Според весникот ВРЕМЕ, серијата слабости во работата на некои од македонските општини, покажуваат слабост во процесот на децентрализација.

Места како Стар Дојран, Демир Хисар, Миравци, Богданци и други, во текот на есента останаа без вода, поради неплатени сметки.

Куманово не можеше да ги плати ѓубреџиите. Седумнаесет од 85 општини сега се со блокирани жиро-сметки.

Садење

И, секако, сите весници пишуваат за вчерашната акција „Ден на дрвото“, во која беа посадени речиси сите планирани шест милиони садници.

И покрај студеното и влажно време, илјадници граѓани, студенти, војници, излегоа да садат дрвца, а садењето не било завршено само во Крушево и Берово, поради паднатиот снег.