تهران کې پلاسکو ودانۍ 'نړېدلې' ده

د انځور حقوق TASNIMNEWS
Image caption پلاسکو ودانۍ د پنجشنبې ورځې د اور لګېدو پایله کې نړېدلې ده

رپوټونه وايي، د ایران تهران کې د پلاسکو په نامه ودانۍ کې اورلګېدلی چې بیا وروسته دا ودانۍ نړېدلې ده. اور د ودانۍ له نهم پوړ پورته بل شوی. اور وژل شوی خو ودانۍ نړېدلې ده.

په ودانۍ کې د مرغومي ۳۰مه (جنورۍ ۱۹مه) اور بل شوی، خو څو ساعته وروسته د اور د ګل کېدو انځورونه خپاره شوی دي.

ځینو رپوټونو کې ویل شوي چې اور له نهم پوړ پورته لګېدلی و.

لږ وروسته کورنیو رسنیو وویل، د اور لمبې یوځل بیا تازه شوې چې په پایله کې یې یاده ودانۍ نړېدلې ده.

په انډونیزیا کې د زلزلې ورانی

د ایراني محصلینو خبري اژانس ویلي، د اور شدت دومره ډېر و چې ترې پورته کېدونکی لوګی له څو کیلومترو لیرې واټن هم لیدل کېدای شوی.

د ایران د حکومتي تلوېزیون د راپور پربنسټ، د ودانۍ د نړېدو پرمهال د ننه ځینې اوروژونکي مامورین هم وو او امکان لري چې تر کنډوالو لاندې وي. "تسنیم" خبري اژانس په دې پېښه کې د شاوخوا دوه نیمو سوو کسانو د ژوبلېدو خبر ورکړی.

پلاسکو ودانۍ د تهران مرکز اسلامبول (استانبول) پر واټ پرته ده چې تر ډېره په تهران کې د پوښاک د لوی مرکز په توګه کارول کېږي چې ښايي اور د اور اخیستونکو توکو له کبله رامنځ ته شوی وي.

د انځور حقوق TASNIMNEWS
Image caption اور کې ګڼ اوروژونکي هم ټپیان شوي
د انځور حقوق EPA
Image caption اوروژونکو د ودانۍ له نړېدا وړاندې څو ساعته د اوروژلو هڅه وکړه

پلاسکو اوولس پوړیزه ودانۍ په ایران کې له دنګو ودانیو ګڼل کېږي چې په ۱۳۴۲ کال یې ودانیزې چارې بشپړې شوې.

دغه ودانۍ د حبیب الله القانیان په لاس جوړه شوې. نوموړی د یادې ودانۍ څښتن او د یوې بلې المونیم ودانۍ څښتن هم و.

القانیان د ایران لوی سوداګر او د صنایعو څښتن و، چې د ایران د یهودانو د ټولنې مشري یې هم پرغاړه وه.

نوموړی د ایران له انقلاب څو ورځې وروسته ونیول شو او د انقلاب د شرعي محکمې د قاضي صادق خلخالي په امر اعدام شو.

حبیب الله القانیان په لومړي ځل ایران د پلاسکو په نوم د پلاستیکي توکو د تولید او د پروفیل المونیم د تولید کارخانې جوړې کړې.

له انقلاب وروسته د پلاسکو ودانۍ په ګډون د حبیب الله القانیان شتمنۍ او پیسې کنګل شوې او د (مستضعفان) یا بې وزلو بنسټ ته ورکړل شوې.

د انځور حقوق TASNIMNEWS
Image caption د اوروژنې مامورین
د انځور حقوق TASNIMNEWS
Image caption د اوروژنې عملیات
د انځور حقوق TASNIMNEWS
Image caption د پلاسکو ودانۍ سوځېدو مهال
د انځور حقوق TASNIMNEWS
Image caption د پلاسکو ودانۍ سوځېدو مهال

اړونده مطالب

ورته مطالب