تورخم کې سترګو لیدلی حال
په دې وسیله کې د غږ اوريدل او ویډیو لیدنه شونې نه ده.

تورخم کې سترګو لیدلی حال

پاکستان د تورخم او چمن دروازې د دوو ورځو لپاره د خلکو پر مخ پرانيستې چې ایسار شوي خلک تر خپلو ځایونو ورسیږي.

پاکستاني چارواکي وايي نن په سلگونو هغه افغانان او پاکستانيان چې قانوني اسناد يې درلودل له پرانيستو لارو واوښتل. په ننگرهار کې ځايي چارواکي وايي د خلکو گڼه گوڼه دومره ډېره وه چې يو ٧٥ کلن کس تر پښو لاندې شو او ساه يې ورکړه.١٩ ورځې وړاندې پاکستان دغه لارې تر هغه وروسته وتړلې چې په سند او پنجاب ايالتونو کې چاودنې وشوې او اسلام اباد وويل د خپل امنيت لپاره له افغانستان سره لارې تړي. له تورخمه د بي بي سي عزيزالله خان رپوټ راکوي.