د کابل چاودنه کې يوه مېرمن وژل شوې او اته تنه نور ټپيان دي

د انځور حقوق Getty Images
Image caption پوليس وايي د پېښې په اړه يې پلټنې پيل کړې دي.

د افغانستان د کورنيو چارو وزارت وايي د کابل ښار چاودنه کې لږ ترلږه يوه مېرمن وژل شوي او اته تنه نور ټپيان شوي دي.

عينی شاهدان وايي، د کابل د تايمني په سیمه کې يو کرولا ډوله موټر له يوه بس سره ټکر شو او چاودنه رامنځ ته شوه.

تراوسه معلومه نه ده چې د دغه بس سپرلۍ څوک وو او هېڅ ډلې يا کس هم د دغه بريد مسووليت پر غاړه نه دی اخيستی.

پوليس وايي د پېښې په اړه يې پلټنې پيل کړې دي.

څو ورځې وړاندې وسله والو کسانو کابل کې پر پوځي روغتون بريد کړی و چې لسګونه تنو ته په کې مرګ ژوبله واوښته. د دغې بريد مسووليت اسلامي دولت نومې ډلې منلی و.

ورته مطالب