'د وسله والو پرضد بیا د 'بمونو مور' کارولو غوښتنه کوو'

Image caption په افغانستان د ملي دفاع وزارت د لوی درستیز مرستیال مراد علي مراد وايي، د دښمن ځواک او شمېر ته په کتو سره به پرېکړه کوي چې له منځه وړلو لپاره یې له څه ډول وسلو کار واخلي:

د افغانستان دفاع وزارت وايي که په راتلونکې کې بیا هم د اچین په څېر د وسله والو مخالفینو له لوی ځواک سره مخ شي نو له بهرنیو ځواکونو به یې د ختمولو لپاره د بمونو مور په نوم بم د کارولو غوښتنه وکړي.

تېره پنجشنبه د دغه بم له کارولو راهیسې په افغانستان کې د ننه ډېرې نیوکې شوې دي.

د ننګرهار په اچین ولسوالۍ کې د بمونو د مور غورځولو پېښې په افغانستان کې دننه بېلابېل غبرګونونه راپارولي.

د پخواني ولسمشر حامد کرزي په ګډون یو شمېر خلکو دا کار په کلکه غندلی، خو افغان پوځ وايي که اړتیا وه بیا به هم د دغې وسلې د کارولو غوښتنه وکړي.

'اچین کې غورځول شوي زورور بم لږترلږه ۹۰ اورپکي وژلي'

د ټرمپ د ملي امنیت سلاکار افغانستان ته تللی

په افغانستان د ملي دفاع وزارت د لوی درستیز مرستیال مراد علي مراد وايي، د دښمن ځواک او شمېر ته په کتو سره به پرېکړه کوي چې له منځه وړلو لپاره یې له څه ډول وسلو کار واخلي:

''د ننګرهار اچین ولسوالۍ په مومند دره کې د دې اړتیا وه چې باید دا بم استعمال شوی وای، شاید موږ په سرپل ولایت کې د دښمن له شل کسیزې ډلې سره مخامخ شو نو که موږ به د دښمن شمېر او ځواک ته په کتو سره پرېکړه کو چې له منځه وړلو لپاره یې څه ډول وسلې کار واخلي، یانې موږ د دوی له منځه وړلو لپاره په وروستۍ شېبه کې د خپلو وروستیو امکاناتو څخه کار واخلو. ''

'خالد'

د تېرې پنجشنبې په ماښام په افغانستان کې د غوڅ ملاتړ نړیوالو ځواکونو له خوا د ننګرهار په اچین ولسوالۍ کې د بمونو د مور په نوم لوی بم وکاروه چې په پایله کې یې د ادعا له مخې د داعش ۹۵ غړي وژل شوي دي.

په ورته وخت کې د افغانستان دفاع وزارت د حکومت وسله والو مخالفینو له منځه وړلو په موخه د 'خالد' په نوم عملیات یې پیل کړی دی.

د انځور حقوق AFP
Image caption د افغانستان دفاع وزارت د حکومت وسله والو مخالفینو له منځه وړلو په موخه د 'خالد' په نوم عملیات یې پیل کړی دی.

مراد علي مراد وايي: ''سږ کال د شفق عملیاتو په تقعیب سره د خالد په نوم پلان شوي په ټول افغانستان کې پیل شول د خالد په نوم عملیات اوس په هغو سیمو، چې جګړه پکې روانه ده، لومړیتوب ته په کتو سره پیل شول. ''

خو ځینې پوځي کارپوهان د پوځي عملیاتو د مدیریت په تړاو اندېښنه لري او وايي که دغه برخه پیاوړې نه شي، اغېز به یې ډېره څرګنده نه وي.

د افغان ولسمشر محمد اشرف غني په وینا، اوس په افغانستان ۲۰ ترهګرې ډلې فعالیت کوي چې د افغان امنیتي ځواکونو تر څنګ یې بهرني ځواکونه له منځه وړلو په موخه پر له پسې ځمکنې او هوايي عملیات کوي.

ورته مطالب