د کونړ پر مرکز او ولسوالیو بریدونه شوي

د انځور حقوق Getty Images
Image caption کونړ کې پر مرکز او ولسوالیو هم مهاله بېساري توغندیز بریدونه شوي

په کونړ کې پر مرکز او ولسوالیو هم مهاله بېساري توغندیز بریدونه شوي چې درنه مرګ ژوبله ورسره ملګرې وه.

په مرکز اسد آباد کې دوه جګپوړي ولایتي چارواکي وژل شوي، خو چارواکي وایي په چپه دره کې چې له ځپل شویو ولسوالیو څخه یوه ده، شل وسله وال او څلور امنیتي کارکوونکي وژل شوي دي. جګړه ددغې ولسوالۍ د نیولو لپاره پیل شوې وه.

که څه هم د تلفاتو له اړخه د چپې درې جګړه سخته وه، خو پر اسد اباد توغندیزو ګوزارونو د څو ساعتونو لپاره بازار وتاړه.

کونړ کې د ماشومانو د ګوزڼ ضد واکسین مخه نیول شوې

" وسلوال طالبان د خپلو ملاتړو زدکوونکو د کامیابولو لپاره ښوونکي ګواښي"

د کونړ دوالي ویاند عبدالغني مصمیم وايي توغندیو د ولایتي ادارې د بشري سرچینو رییس او د مخابراتي خدمتونو د تنظیم د اداري ولایتي مشر وژلي دي.

ښاغلی مصمیم په چپه دره کې وسلوالو مخالفینو ته اوښتي زیان د حکومتي سرتېرو پرتله څو ځلې زیات بولي.

بل لور ته وسله وال طالبان پر آسداباد دوار شویو توغندیو د بریدونو تر څنګ په چپه دره کې د څو پوستو د ولکه کولو او ۲۰ حکومتي سرتېرو د مرګژوبلې ادعا کوي.

په وټپور ولسوالۍ کې هم د جګړې له امله یوه مېرمن او یوه ماشومه سخت ټپیان شوي دي.

د انځور حقوق Getty Images

په یوه بل راکیټي برید کې آسداباد ته څېرمه دوه نور غبرګوني کوچنیان وژل شوي.

چارواکي وايي جګړه د چپې درې ولسوالۍ نیول کېدو په موخه پیل شوې وه، خو په شا وتمبول شوه.

تر یو څه مودې کرارۍ وروسته دا په کونړ کې په یوځلي په څو ځایونو همهاله جګړه ده ،چې طالبان ېې د منصوري عملیاتو برخه بولي.

ورته مطالب