حقاني شبکه: د کابل خونړی برید موږ "نه دی" کړی

په دې وسیله کې د غږ اوريدل او ویډیو لیدنه شونې نه ده.
ولې حقاني شبکې اوس په کابل برید کې لاس لرل رد کړل؟

د وسله والو طالبانو د مشر مرستیال سراج الدین حقاني د کابل په وروستي خونړي برید کې لاس لرل رد کړي دي.

حقاني په یوه خپاره شوي غږیز پیغام کې د دغو پېښو غندنه هم کړې ده.

کابل کې زموږ همکار خوشحال تایب وايي، وړاندې تر دې د افغانستان ملي امنیت ادارې ویلی وو ، د کابل برید د حقاني شبکې د پاکستان استخباراتي ادارې په مرسته کړی وو.

د وسله والو طالبانو مرستیال سراج الدین حقاني په دغه شاوخوا ۱۱ دقیقه پیغام کې د کابل او هرات په وروستیو بریدونو کې لاس لرل رد کړي او د دغه شان بریدونو غندنه هم کوي.

سراج الدین حقاني وايي دوی تل هڅه کړې چې د ورته بریدونو مخه ونیسي. او نه غواړي چې عامو خلکو ته ستونزې را ولاړې نه کړي.

د کابل په زنبق څلور لارې کې د برید پړه لا تر اوسه هم کومې ډلې پر غاړه نه ده اخیستې خو د افغانستان د ملي امنیت ادارې ویلي استخباراتي معلومات یې ښیي چې حقاني شبکې د پاکستان د آی اېس آي ادارې په همکاري د کابل برید پلان کړی و.

د حقاني شبکې مشري د طالبانو د مشر د مرستیال، سراج الدین حقاني لخوا کیږي. وړاندې تر دې هم د ځینو مرګونو بریدونو پړه پر حقاني شبکې وراچول شوې وه.

د سراج الدین حقاني په دغه غږیز پیغام کې چې تر اوسه یې کره والی د کومې خپلواکې سرچینې له خوا نه دی شوی په افغانستان کې د وروستیو پېښو پړه پر بهرنیانو په تېره بیا پر امریکا ور اچول شوې او وايي شاوخوا پنځلس کاله کیږي چې امریکا د امریکاییانو د خوندیتوب لپاره په افغانستان کې جګړه پیل کړې ده.

د کابل په زنبق څلور لارې کې د غبرګولي میاشتې لسمې نیټې برید کې تر ۱۵۰ ډېر کسان ووژل شول او سلګونه نور ټپیان شول چې زیاتره یې ملکي وګړي وو.

په دې وسیله کې د غږ اوريدل او ویډیو لیدنه شونې نه ده.
د کابل چاودنه: د خليل الرحمان مړی او ژوندی ورک دی

ورته مطالب