د کابل لوېدیځ کې یوه بهرنۍ ښځه تښتول شوې

.
Image caption د کرنې وزارت د بڼوالۍ پروژه د دغه وزارت په اډانه کې یو بریالی بهیر ګڼل کېږي

د افغانستان د کرنې وزارت وايي، د پلازمېنې کابل لوېدیځ شېرشاه مېنه کې د دغه وزارت د بڼوالۍ پروژې یوه بهرنۍ سلاکاره تښتول شوې ده.

د یاد وزارت په وینا، دغه بهرنۍ سلاکاره د یکشنبې په ورځ ګهیځ (جوزا ۲۸مه) تښتول شوې ده.

د دغه وزارت ویاند لطف الله راشد بي بي سي ته وویل، یاده مشاوره د کار لوري ته د تللو پرمهال تښتول شوې ده.

جلال اباد کې پاکستاني دیپلوماتان بې درکه شوي

کابل کې يوه هندۍ مېرمن تښتول شوې

"بادغیس کې دوه ډاکټران تښتول شوي"

ځینو کورنیو رسنیو ویلي وو چې دغه تښتول شوې سلاکاره امریکایۍ ده، خو ښاغلي راشد دا ادعا رد کړه. دی وايي د امنیتي دلایلو له کبله یې هویت نه شي په ډاګه کولای.

تر اوسه د تښتوونکو په اړه معلومات نه دي ورکړل شوي او نه هم د تښتونې انګیزه معلومه شوې ده.

د کرنې وزارت د بڼوالۍ پروژه د دغه وزارت په اډانه کې یو بریالی بهیر ګڼل کېږي چې تر ډېره په دې هېواد کې د بڼوالۍ او مالدارۍ برخو کې فعالیت کوي.

دا پروژه د نړیوال بانک په مالي ملاتړ ترسره کېږي چې د کرنې وزارت د چارواکو په وینا، د بڼوالۍ او مالدارۍ برخو کې درې بهرني سلاکاران کار کوي.

په ورته وخت کې نن (یکشنبې) تورخم ته پر لار د پاکستان د کونسلګرۍ دوه دیپلوماتان بې درکه شوي دي.

اړونده مطالب

ورته مطالب