له کابله د زراعتي توکو لومړنۍ الوتکه هند ته لاړه

په دې وسیله کې د غږ اوريدل او ویډیو لیدنه شونې نه ده.
د جون په ۱۹مه د زراعتي توکو یوه الوتکه د هند پر لور روانه شوه.

افغان ولسمشر محمد اشرف غني له کابله هند ته د زراعتي توکو ډکې الوتکې په الوتنې سره د دواړو هېوادونو ترمنځ رسما د هوايي دهلیز پرانيسنته وکړه.

د جون په ۱۹مه د زراعتي توکو یوه الوتکه د هند پر لور روانه شوه.

د افغانستان او هند تر منځ د هوايي دهلیز جوړلو پرېکړه ولسمشر غني او د هند لومړي وزیر نرېندر مودي په یوه لنډه لیدنه کې کړې وه.

د افغان او هند ترمنځ د هوايي دهلیز پروژې مسول صدیق الله مجددي وايي، دويمه الوتنه به څه کم يوه اوونۍ کې له کندهاره د دوو ميليونو ډالرو په ارزښت ۴۰ ټنه وچه ميوه ډهلي ته ولېږدوي.

هند افغانانو ته د ویزې شرایط لا ډېر اسان کړل

"افغان او پاکستاني مشرانو د ترهګرۍ ضد همکارۍ هوکړه وکړه"

حنیف اتمر د ترهګرۍ ضد مبارزې کنفرانس لپاره هند ته تللی

نوموړی وایي "د هندوستان په مرسته موږ هيله لرو د اړتيا پروخت د تازه مېوې د فصل په پيلدو او د نورو زراعتي محصولاتو د لېږد لپاره پوره چمتووالی لرو چې اوونۍ کې يو پرواز يا تر ډېر تنظيم کړو".

موږ بحران په فرصت بدلوو

ولسمشر غني په خپلو خبرو کې د کنایې په ډول پاکستان ته پیغام ورکړ چې د افغانستان له دې ګام دې درس واخلي. "هر څوک چې زموږ لپاره بحران جوړوی دا درس دې واخلي چې موږ بحران په فرصت بدلوو".

د انځور حقوق Arg
Image caption غني: هر څوک چې زموږ لپاره بحران جوړوی دا درس دې واخلي چې موږ بحران په فرصت بدلوو

د دغه دهلیز په پرانست غونډه کې د هند سفیر من پریت وورا د دې دهلیز جوړېدل د اوږدمهاله ستونزې ستراتیژیک حل وباله.

نوموړي وويل "له دې پروژې زموږ د حکومت ملاتړ دوام لري او غواړم ډاډ درکړم چې موږ به له تاسو سره په بېلابېلو برخو کې مرسته وکړو موږ به د بازار د پراختيا او اړتيا پر بنسټ دا دريځ پراخوو".

په ښکاره د دې دهلیز جوړولو پرېکړه وروسته له هغه شوې چې څو وارې د سیاسي کړکېچونو له امله پاکستان پر افغانستان د تګ را تګ لارې بندې کړې. په دې موده کې پاکستان افغانستان ته له خوراکي توکو بار ګاډي له پولې سره د څو ورځو لپاره ایسار کړي وو.

همدا لامل شو چې افغان دولت د بدیلې لارې په توګه هند ته د تجارتي توکو لېږد رالېږد لپاره هوايي ترانزیت لار غوره کړي.

د انځور حقوق Getty Images
Image caption هر څوک چې زموږ لپاره بحران جوړوی دا درس دې واخلي چې موږ بحران په فرصت بدلوو

ورته مطالب