د کابل او ډیلي ترمنځ د هوايي سوداګرۍ بیا پیل
په دې وسیله کې د غږ اوريدل او ویډیو لیدنه شونې نه ده.

د کابل او ډیلي ترمنځ د هوايي سوداګرۍ بیا پیل

له يو مياشتني ځنډ وروسته د کابل او ډيلي ترمنځ د هوايي سوداګرۍ لړۍ بيا پيل شوې.

له شاوخوا يوې مياشتې ځنډ وروسته د افغانستان او هند ترمنځ د هوايي لېږد بهير پيل شوی دی.

افغان چارواکي وايي نننۍ الوتنه کې ۳۱ ټنه تازه او وچه مېوه او نور سوداګريز توکي هند ته ولېږدول شول.

د افغانستان او هند ترمنځ د هوا له لارې دا سوداګریز دهلیز نژدې يوه مياشت مخکې پرانیستل شوی و، خو د تخنیکي او اداري ستونزو له امله یې بهير ځنډېدلی و.

آریا احمدزۍ کابل کې د سوداګرۍ خونې له ویاند صیام الدین پسرلي سره خبرې کړې او په سر کې یې ترې د ځنډ لامل پوښتلی.