"کابل کې د عراق پر سفارت بریدګر ووژل شول او برید پای ته ورسېد"

په دې وسیله کې د غږ اوريدل او ویډیو لیدنه شونې نه ده.
کابل کې نن د عراق پر سفارت ځانمرګی او وسله وال بريد وشو. بريد چې د کابل شهر نو سيمه کې وشو، اسلامي دولت نومې ډلې ويلی، د دوی کار و.

د افغانستان د کورنیو چارو وزارت په یوه اعلامیه کې وايي، په کابل کې د عراق پر سفارت برید پای ته ورسېد.

د اعلامیې له مخې څلورو بریدګرو د عراق په سفارت ځايي وخت نږدې ۱۱:۱۰ ډله ییز برید وکړ او نږدې څلور ساعته وروسته د ټولو بریدګرو په وژل کېدو پسې پای ته ورسېد.

د کورنیو چارو وزارت وايي، یوه بریدګر د سفارت دورازه کې ځانمرګی وکړ او نور درې سفارت ته ننوتل.

"افغان ځانګړي پولیس په خپل وخت د پېښې ځای ته ورسېدل او د سفارت کارمنان یې خوندي ځای ته ولېږدول".

په اعلامیه کې راغلي، د ډيپلوماټانو د اېستلو بهیر کې یواځې یو افغان سرتېري برسېرن ټپي شوی دی.

خو د عراق حکومت بهرنیو چارو وزارت وايي، چې په دې پېښه کې دوه افغان ساتونکي وژل شوي دي.

له بلې خوا دروغتیا وزارت ویاند وايي، د پېښې له ځای یواځې یو ټپي روغتون ته لېږدول شوی دی.

داعش د دې برید مسوولیت منلی دی.

د انځور حقوق Sayed Sadaat/FB
Image caption کابل کي د عراق سفارت.
د انځور حقوق AFP

داعش یا اسلامي دولت ډلې د دې برید مسوولیت منلی دی.

نږدې دوه اونۍ مخکې افغانستان کې د عراق سفارت په موصل کې د داعش ماته لمانځلې وه.

موصل د عراق هغه ولایت دی چې پر ۲۰۱۴ کال اسلامي دولت ډلې مشر پکې خپل خلافت اعلان کړ.

خو له نږدې لس میاشتو جګړې وروسته د عراق امنیتي ځواکونو پر دغه ولایت ولکه وکړه.

د انځور حقوق AFP

ورته مطالب