افغانستان د اوبو د لویو بندونو د نړیوال کمیسیون غړی شو

د انځور حقوق Getty Images

د افغانستان د اوبو او انرژۍ وزارت وايي دوی په تېرو دوو کلونو کې د بندونو جوړولو او اوبو مدیریت په برخه کې د ځینو پروګرامونو په پلي کولو سره په دغه کمیسیون کې د غړیتوب معیارونه پوره کړي دي.

د لویو بندونو نړیوال کمیسیون یا (ICOLD) چې مرکز یې په پاریس کې دی د افغانستان غړیتوب تایید کړی.

د افغانستان د اوبو او انرژۍ وزارت ویاند عبدالبصیر عظمي بي بي سي ته وویل، د دغه سازمان د غړو ترمنځ په خپلو کې د بندونو اړوند تخصصي چارو، تجربو او ټکنالوجۍ شریکول ډېر اغېزناک دي.

* د کابل اوبه؛ نورې د څښاک نه دي

* ''افغانستان یوازې خپلې ۳۰ سلنه اوبه کاروي''

افغانستان د خپلو اوبو د مدیریت په برخه کې د نا امنۍ په ګډون له ډېرو ننګونو سره مخ دی.

د دغه هېواد لپاره د معیاري بندونو جوړولو او اوبو مدیریت په برخو کې د نړیوال کمیسیون غړیتوب ترلاسه کول ډېر مهم بلل کیږي.

ځکه دغه کمیسیون په تخصصي بڼه د خوندي او معیاري بندونو په جوړولو کې له افغانستان سره مرسته کولی شي.

د افغانستان اوبه

ر د انځور حقوق Getty Images
Image caption د افغانستان اوبه تر ډېره ګاوڼدیو هېوادونو ته بهېږي.

د ځینې شمېرو له مخې افغانستان په منځي ډول ۷۰ میلیارد متر معکب کلنۍ اوبه لري، خو ۸۰ سلنه یې ګاونډیو هېوادونو ته ځي.

د افغان ولسمشر اشرف غني په واکمنېدلو پسې په مختلفو سیمو کې د بندونو او ډنډونو جوړولو خبره کړې، ان ځینې يې شرکتونو ته سپارلي دي.

* د هلمند کجکي برېښنا بند

* د سلما بند پرانیستې لپاره لسیزې اتنظار

په فراه او نیمرز کې د بندونو جوړولو او د کجکي بند د بیارغونې چارې روانې دي.

ولسمشر غني بېجنیګ ته وروستي سفر کې له چینايي سیال سره پر کونړ سیند د برېښنا بند جوړولو هوکړه لاسلیک کړه.

د ګاونډیانو اندېښنې

د انځور حقوق Getty Images
Image caption د ایران ولسمشر حسن روحاني

د افغان حکومت د اوبو د مدیریت او بندونو د جوړولو دې هڅو ځینې ګاونډي هېوادونه په تېره ایران اندېښمن کړی.

ان تر دې چې د ایران ولسمشر حسن روحاني د تېر جولای په لومړیو کې د دغه هېواد پلازمنېه تهران کې د ګرد او باد "ننګونې او حل لار" کانفرنس کې وویل، چې په افغانستان کې د بندونو جوړولو په تړاو بې تفاوته پاتېدلی نه شي.

* له ګاونډیانو سره د اوبو پر سر د افغانستان زیاتېدونکی کړکېچ

* غني: ۵ کلونو کې د برېښنا عواید د ګمرکي عوایدو کچې ته رسوو

د نوموړي دغو څرګندونو ته افغانانو توند غبرګون وښود او د هلمند په ګډون په مختلفو ولایتونو کې د اوبو په ملاتړ مظاهرې وشوې.

د اوبو لویو بندونو نړیوال کمیسیون شاوخوا ۸۷ کاله مخکې په پاریس کې جوړ شوی چې دا مهال ۲۵ تخنیکي کمیټې لري.

افغانستان په دغه پلاوي کې یو رییس او اجراییه مشر لري چې د اوبو او انرژۍ وزیر یې مشري کوي.

د انځور حقوق Getty Images
Image caption افغانستان د هند په مرسته نږدې دوه کاله وړاندې سلمان بند جوړ کړ.