سوریه کې له ایراني قومندان سره د یوه افغان جنګیالي وژل کېدل

دا د هغه افغان ځوانانو قبرونه دي چې د سوریې په جګړه کې وژل شوي دي. د انځور حقوق HRW
Image caption دا د هغه افغان ځوانانو قبرونه دي چې د سوریې په جګړه کې وژل شوي دي.

رپوټونه وايي، یو افغان داوطلب جنګیالی له یوه ایراني قومندان سره یوځای د سوریې جګړه کې وژل شوی دی.

د ایراني ملېشه ځواکونو اډې خبر ورکړی چې جاوېد حسیني او ایرانی قومندان عبدالله خسروي د تېرې شنبې په ورځ سوریه کې وژل شوي.

ددغو کسانو د وژل کېدو دقیق ځای او د وژل کېدو د څرنګوالي په اړه نور جزییات نه دي ورکړل شوي.

له ۲۰۱۳ کال راهیسې په سوریه کې د واکمن نظام او د ایران په ملاتړ د ځینو افغان جنګیالیو د نیول کېدو او وژل کېدو خبرونه ورکول کېږي.

په ۲۰۱۴ کال په ټولنیزو رسنیو کې يوه خپره شوې ویډیو ښيي، هغه افغان چې په سوریه کې د حکومت په پلوۍ جنګیده، ګواکې د بشار اسد مخالفانو ژوندی نیولی دی.

ایران دې د جګړې لپاره د "افغان ماشومانو ګومارلو لړۍ ودروي"

سوریه کې افغان بندي: د میاشتې په ۶۰۰ ډالر جنګېدم

سوریه کې جنګېدونکي برتانیا مېشت افغان ځوانان

دغه افغان چې په فارسي ژبه خبرې کوي وايي چې ایراني پوځیانو د میاشتې ۶۰۰ ډالرو په بدل کې د سوریې جنګ ته لیږلی و.

یاد شوی افغان چې ۴۵ کلونه عمر لري، وايي د نشيي توکیو د لېږد په تور ایران په ۶ کلن بند محکوم کړی و، خو اوس په سوریه کې بندي دی.

د ۲۰۱۳ میلادي کال په مني کې د لومړي ځل لپاره داسې راپورونه خپاره شول چې ګواکې یو شمیر افغانان هم د سوریې په جګړه کې ښکیل دي، یو شمیر راپورونو کې راغلي وو، چې ګواکې ایران د مېشتېندنې د لاسوندونو او پیسو د ورکړې په بدل کې دغه افغانان د بشار اسد په ملاتړ سوریې ته استوي.

اوس دلته په افغانستان کې هغه کورنۍ ډیرې په اندیښنه کې دي چې خپل خپلوان یې د کار لپاره ایران ته تللي دي، د غزني ولایت یو وسیدونکی له همدغې ډلې دی.

د روان اکتوبر په لومړیو کې د بشري حقونو د څار سازمان په یوه راپور کې وویل، د ایران انقلابي ګارد سوریه کې د حکومت مخالفو پروړاندې ان تر ۱۴ کلنو افغان ماشومان د جګړې لپاره ګومارلي. سرچینې له ملګرو ملتونو ددغه رپوټ په اړه د څېړنو غوښتنه کړې ده.

‌د بشري حقونو د څار سازمان وايي، دغه کډوال افغان ماشومان د ایران د اسلامي انقلاب ګارد اړوند "فاطمیون" افغان کنډک کې د حکومت مخالفو پروړاندې جنګېږي.

د انځور حقوق Getty Images
Image caption د دغه سازمان په یوه راپور کې راغلي: "ایراني رسنیو راپور ورکړی چې لږترلږه شپږ افغان جنګېدونکي ماشومان سوریه کې وژل شوي.

د سرچینې په وینا،‌ د نړیوال قانون له مخې،‌ په جګړه ییزو فعالیتونو کې تر ۱۵ د ټیټو کلونو ماشومان ګومارل جنګي جرم ګڼل کېږي.

په راپور کې راغلي، څېړنډلې په ایراني هدیرو کې د قبرونو د شناختو داسې انځورونه اخیستي، چې سوریه کې د وژل شویو کسانو مړي پکې خښ کړل شوي،‌ چې په وژل شویو کې اته هغه افغان ماشومان دي چې ښکاري سوریه کې جنګېدلي او وژل شوي دي.

د دغه سازمان په یوه راپور کې راغلي: "ایراني رسنیو راپور ورکړی چې لږترلږه شپږ افغان جنګېدونکي ماشومان سوریه کې وژل شوي.

په دوو پېښو کې عکاسانو د قبرونو داسې شناختې موندلې چې ښکاري د خښو کړل شویو عمرونه تر ۱۸ کلونو پورته دي،‌ خو د ځینو وژل شویو جنګیالیو ایراني رسنیو ته ویلي، دوی ماشومان وو‌،‌ خو عمرونه یې ددې لپاره لوړ ښودل شوي وو چې فاطمیون کنډک کې وګومارل شي."

اړونده مطالب

ورته مطالب