د عکسونو البوم: کابل کې پر جومات برید

د کابل لوېدیځ کې د شیعه ګانو پر یوه جومات د اسلامي دولت (داعش) ډلې له خوا ځانمرګي برید کې لږترلږه ۵۶ کسان وژل شوي او ۵۵ نور ټپيان دي.

د برید مسؤولیت اسلامي دولت (داعش) نومې ډلې منلی

په برید کې ۵۵ کسان ټپیان شوي هم دي.

ویل کېږي، په وژل شویو او ټپیانو کې ماشومان هم دي.

د برید قربانیان لمونځ کوونکي وو

برید د ماښام لمانځه پرمهال شوی، چې داعش وايي بریدګر پر لمونځ کوونکو ډزې کړې او بیا یې پر ځان پورې تړلي چاودېدونکي توکي چوولي دي.

هغه یوه مېرمن چې په برید کې یې د کورنۍ غړي وژل شوي.

وړاندې هم افغانستان کې د شیعه ګانو پر جوماتونه او عبادتځیو ورته خونړي بریدونه شوي.

دا برید داسې مهال شوی، چې یوازې په تېره یوه اونۍ کې تر سلو ډېر افغان سرتېري او لسګونه نور ولسي وګړي د اورپکو په بریدونو کې وژل شوي دي.

افغانستان کې د هالنډ سفیر ویلي، په دې غمجنه اونۍ کې ګڼ ولسي وګړي وژل شوي، چې ځینې یې ان د لمانځه پرمهال وژل شوي.

ولسمشر محمد اشرف غنی او اجراییه رییس عبدالله عبدالله دغه برید غندلی دی.

ولسمشر غني ویلي، هغه څوک چې دغسې بشر ضد جنایتونه کوي، د (نابودۍ) مستحق دي.