په اتريش کې د (بالې) نڅا

بالروم نڅا
Image caption بالروم نڅا

د (بال روم نڅا) يو ډول په زړه پورې او ډرامايي جسمي خوځښت بلل کېږي، چې په ټولنيزې نڅا هم پېژندل شوې ده، ځکه چې دا يوه دوه کسيزه نڅا وي. د (بال روم نڅا) پنځه ډولونه لري، چې معاصر والټز، ټانګو، د ويېنا والټز، ورو فاکسټروټ، او ګړندي ګامونه نومېږي.

دغه نڅاوې کېدی شي د سياليو بڼې هم ولري. په لوېديځه نړۍ کې ډېرو زلميو او پېغلو ته د بالروم نڅا د خپل ژوند ملګري د موندلو تر ټولو ښه لار بلل کېږي. دغه نڅا لا تر اوسه هم په اروپا کې ډېره مشهوره ده، په تېره بيا په اتريش کې چې د (والټز) نڅا په کې تل فېشن پاتې شوې ده. هر کال يوازې په ويېنا کې شاوخوا (۳۰۰) بالې نڅاوې ترسره کېږي. دغه دود همداسې ژوندۍ پاتې شوی، ځکه چې په اتريش کې نجونې او هلکان دا زده کوي چې څه ډول ونڅېږي.

په ويېنا کې د نڅا لپاره د (الماير) په نامه يو ښوونځی دی، چې نجون او هلکان په کې پر لرګين صيقل شوي غولي په خپلو ځاګړو جامو کې نڅېږي. په همدغه ډول ځايونو کې د اتريش نجونې او هلکان د نڅا د بېلابېلو ډولونو د رازونو زده کړه کوي.

له دغو نڅاوو نه يو ډول (والټز) نومېږي، چې پېغلې او زلميان يې په زده کړه بوخت دي، خو دا چې زده کړه يې خومره سخته ده، د ويېنا يوه نجلې يې په اړه وايي:

((زه فکر کوم، دا دومره سخته نڅا نه ده، خو يوه برخه يې يو ډول سخته ده چې پښې په کې يو له بل تېرېږي. زا دا نه شم کولی، خو بيا هم پرې په يو ډول توانېدلې يم، نو ډېر خوندور وي. دا په ريښتيا هم سخت وي، له دې ډډه نه شي کېدی چې يو د بل پښې سره و نه وهوو، ځکه چې دا ډېره ګړندۍ خوځېدا ده))

د نڅا دغه ښوونځی د ويېنا د والټز نڅاګر (توماس شايفر الماير) له خوا اداره کېږي. دی وايي د نڅا زده کړه د ټولو اتريشيانو لپاره پر د تګ يوه دود دی.

((د ويېنا او ټول اتريش په خورا ډېرو کورنيو کې دا يو دود دی چې دوی بايد د والټز او بالروم نڅاوې زده کړي. دوی زموږ ښوونځي ته په (۱۵) او (۱۷) کلنۍ راځي او لږترلږه يو کال لپاره پاتې کېږي چې نڅا زده کړي. په نړۍ کې د اتريش په څېر کوم بل هېواد نشته چې د بلې نڅاوو دومره ډېر فعاليونه په کې ترسه کېږي، د بالې نڅاوې د هر ډول خلکو لپاره وي، د ټولنې د ټولو پوړنو خلک په کې نڅېږي، لکع د (اوپېرا بالې) نڅا چې يوه بېلګه يې ده)))

د ويېنا اوپېرا بالې

د (اوپېرا بالې) د ويېنا د نڅا د اوج موسم وي، خو د کال په اوږدو کې د درملتون والاوو، د اطفايې ولاوو، او د ويېنا د ګند ټولوونکيو لپاره هم د د بالې نڅا فعاليتونه ترسره کېږي. دغه نڅا يوازې د هغوی لپاره نه وي چې له زړو دودونو سره لوی شوي وي. په ويېنا کې ځينې دولتي ښوونځي هر کال د بالې نڅاوې تنظيموي. نو دا څه دي چې بالې نڅا د اوسنۍ زمانې پېغلې زلميان راجذبوي، د وينا يو شمېر نجونې او هلکان يې په اړه وايي:

Image caption بالې نڅا

((دا په نڅا کې له ملګري سره په ګډه، زموږ ځوانانو لپاره ډېره ځانګړتيا لري، ځکه چې نڅا پيلېږي، نو په کې يوازې وو، خو بيا نڅا سره ګډېږي، دا يو ډېر خوندور خوځښت وي، هو))

((خبره تر ډېره دا نه ده چې ميندې پلرونه او اولادونه يې او نور سره لکه ښوونکي يو ځای کېږي، زه به ونه وايم چې بالې، والټز او هر بل ډول نڅا داسې وي، تر ډېره خبره دا ده چې نڅا په ګډه کېږي))

((هر کس ښه ښکاري او ښې جامې يې پر تن وي، زه فکر کوم دا د بالې نڅا تر ټول ښه اړخ دی، ځکه هر کس ډر ښه ښکاري))

((زه فکر کوم دا موسيقي ده، د بدن خوځښت او هر څه دي، دا ډېر ښکلې وي زه له نڅا سره مينه لرم))

دا له هغو نجونو او هلکانو يو څو تنه وو، چې په ويېنا کې بالې نڅا زده کړه کوي. اتريش په اروپا کې داسې هېواد دی چې د نڅا او کلاسيکې موسيقۍ ټاټوبی بلل کېږي.

که غواړیء دغه راپور واوريء، نو دلته کلېک وکړیء:

په دې وسیله کې د غږ اوريدل او ویډیو لیدنه شونې نه ده.