په خوست کې ځانمرګي 11 تنه وژلي دي

خوست
Image caption چارواکي وايي په بريد کې ډېره مرګه ژوبله ولسي خلکو ته اوښتې ده .

د افغانستان په سوېل ختيز ولايت خوست کې د پوليسو پر يوه پوسته شوي ځانمرګي بريد کې لږ تر لږه د دوو پوليسو په ګډون يوولس تنه وژل شوي دي .

د پوليسو سيمه ييز مشران وايي پوليس تر چاودنې مخکې پر دغه ګاډي شمکن شوي ول او هغه ته يې د درېدو ويلي ول خو چلوونکی له چاودېدونکو توکو ډک ګاډی چوولی دی.

دپوليسو دغه پوسته د ښار له ګڼې ګوڼې يوې ډکې سيمه کې ده چې نژدې کورنه او هټۍ د چاودنې له کبله ويجاړې شوې دي .

په بريد کې لږ تر لږه دېرش تنه نور ټپيان شوي چې ډېر يې ولسي وګړي دي .

طالبانو د بريد مسوليت منلی او ويلي يې دي چې په بريد کې يې ديارلس پوليس وژلي او پېنځه لس نور ټپيان کړي دي.

له بلې د ختيزولايت کونړ په غازي اباد ولسوالۍ کې کې د ايتلافي ځواکونو په هوايي بمبارۍ کې تر دېرش زيات وسلوال طالبان وژل شوي دي .

نړيوالو ځواکونو په يوه ويناپاڼه کې ويلي بريد د شپې مهال شوی چې څلور ساعته يې دوام درلود.

دوی وايي خپل هدف يې ښه په نښه کړی او له همدې کبله ولسي خلکو ته زيان نه دی اوښتی .

طالبانو تر اوسه پورې د دغې پېښې په اړه څه نه دي ويلي.