یو افغان ایران ته د جاسوسۍ په تور په ۱۶ کاله بند محکوم شو

هرات
Image caption تورن کس پرې لګول شوي تورونه منلي.

د افغانستان په لوېديځ کې یو افغان ایران ته د جاسوسۍ په تور په ۱۶ کالو بند محکوم شو.

د هرات د ښاري محکمې او عامه امنیت رییس قاضي سراج الدین نصر تورن کس د یوه بهرني هېواد جاسوس او هېواد ته په خیانت تورن کړ.

پر دغه کس وطن، خپلواکۍ او ځمکنۍ بشپړتیا ته د خیانت تورونه لګول شوي.

تورن کس اوږده موده په ایران کې اوسېدلی او نژدې دوه میاشتې وړاندې د ملي امنیت ریاست لخوا نیول شوی و.

ښاغلي نصر وویل، چې تورن په هرات ولایت کې د ځینو افغان او بهرنیو ځواکونو د ممنوعه سیمو انځورونه اخیستي او په وینا یې د یادښت په کتاب کې یې د ایران استخباراتي چارواکو د تیلې فون شمېرې او نیول شوې اړیکې هم موندل شوې.

دی نن (جنوري ۲۴) د هرات د ښاري محکمی د کورني او بهرني امنیت د جرایمو د څانګې لخوا په ۱۶ کاله حبس محکوم شو.

دغه افغان محکوم شوي وګړي پر ده لګول شوی تورونه ونه منل.

د ده وکیل شیر احمد مهدوي هم وویل چې د ده نه اعتراف په زوره اخستل شوی.

د هرات ښاري محکمې هم د نننۍ علني غونډې په پای کې وویل چې صادر شوی حکم وروستی نه دی او محکوم شوی کس دا حق لري چې د استیناف غوښتنه وکړي.

ورته مطالب