د کندوز او لغمان امریکايي ضد لاریون کې اووه کسان وژل شوي

مظاهره د انځور حقوق
Image caption دا مظاهرې هغه مهال له بگرامه پيل شوې چې په امريکايي اډه کې د قرآن کريم څو نسخې او نورو سپېڅلي کتابونه و سوځول شول.

د افغانستان له شمالي کندوز ولایت څخه راپورونه وايي چې د قرآن سوځونې ضد لاریون کې د پولیسو په ډزو لږترلږه اووه کسان وژل شوي او لګسونه نور ټپیان دي.

مظاهره کوونکو د یونما ددفتر امنيتي غرفو ته اور اچولی، چې په مقابل ډزو کې او تاوتریخوالي کې درې مظاهره کوونکي وژل شوي او لسګونه نور ټپیان دي.

د کندوز د حوضه يي روغتون یوه ډاکټر سعد مختار بي بي سي ته وویل، تر اوسه د کندوز ایمرجنسي او حوضه یي روغتون ته ۴۷ ټپیان او څلور مړي وروړل شوي.

یو کس د لغمان په مظاهره کې وژل شوی.

په سیمه کې د بي بي سي خبریال وايي، لاهم پر مظاهره کوونکو ډزې کېږي او روغتون ته ټپیان لېږدول کېږي.

ډاکټرانو روغتون ته د ځينو ور وړل شوو ټپیانو روغتیايي حالت د اندېښنې وړ بللی دی.

تنکي ځوانان

بل خوا د کندوز د روغتون یوه بل ډاکټر عبدالشکور رحیمي بي بي سي ته وویل، زیاتره وروړل شوي ټپیان تنکي ځوانان او یو پکې پنځه کلن ماشوم دی.

په کندوز کې د بي بي سي خبریال وايي، شاید د مړو او ټپیانو شمېر د وخت په تېرېدا ډېر شي.

پر مظاهره کوونکو وروسته تر هغه ډزې وشوې، چې د یونما د سیمه ییز دفتر امنیتي غرفو ته یې اور ورته کړ.

بل خوا، په لوګر، پکتیا او لغمان ولایتونو کې هم مظاهرې شوې.

د لوګر ولایت په تنګي واغجان کې مظاهره کوونکو د یوه ساعت لپاره د کابل – ګردېز لار تړلې وه.

همدا شان، د پکتیا په سرحدي ځاځي اریوب ولایت کې هم سلګونه کسانو د ولایت پر لور مظاهرې وکړې او غوښتل یې چې ګردیز ښار ته ځانونه ورسوي.

په ګردیز کې د بي بي سي خبریال وايي، قومي مشران او علماء د مظاهره کوونکو مخې ته ورغلل او له هغوی سره یې ژمنه وکړه، چې غوښتنې به یې د حکومت تر غوږونو ورسوي.

علني محاکمه

په ګردیز کې د بي بي سي خبریال احسان الله مهجور وايي، مظاهره کوونکو ویل، چې د قرآن سپکاوی کوونکي دې علني محاکمه شي، که نه دوی به خپلو مظاهرو ته دوام ورکړي.

نوموړی زیاتوي، د پکتیا لاریون په سوله ییز ډول پایته روسېد.

له کندوزه راپورونه وايي چې د یونما پر دفتر مظاهره کوونکي ورغلي او څلور کسان پکې ټپیان شوي دي.

د انځور حقوق AFP
Image caption دا مظاهرې هغه مهال له بگرامه پيل شوې چې په امريکايي اډه کې د قرآن کريم څو نسخې او نور سپېڅلي کتابونه و سوځول شول.

همداشان، په لغمان ولایت کې هم قهرېدلي مظاهره چیان راوتلي، چې له امنيتي ځواکونو سره په اخ و ډب کې ۱۵ مظاهره کوونکي ټپیان شوي دي.

په لوګر او پکتیا کې هم مظاهرې شوې او د لوګر مظاهره کوونکو د څه وخت لپاره د کابل - ګردیز لویه لاره تړلې وه.

لاریون کوونکو د امریکايي ځواکونو پرضد شعارونه ورکول.

دا مظاهرې هغه مهال له بگرامه پيل شوې چې په امريکايي اډه کې د قرآن کريم څو نسخې او نورو سپېڅلي کتابونه و سوځول شول.

د امريکا د ولسمشر بارک اوباما په گډون څو جگپوړو امريکايي چارواکو ددې پېښې له امله له افغانانو بخښنه غوښتې ده او هم د افغان حکومت لخوا ټاکل شوي پلټونکي پلاوي د ارام اوسېدو غږ کړى خو بيا هم مظاهرې دوام لري.

د تېرې جمعې پر ورځ (فبروري ۲۴) په هرات، کابل، کندوز او بغلان ولایتونو کې لاریونه وشول، چې په ترڅ کې یې ۱۲ کسان ووژل شول او ګڼ نور ټپیان شول.

ورته مطالب