افغان سکان اوس هم مذهبي مراسم په ډاډ نه شي نمانځلی

هندوانو او سکانو په جلال آباد کې يو ځل بيا پر حکومت د خپلو بچيانو لپاره د يوه ځانگړي ښوونځي د جوړلو غږ کړی دى.

دا غوښتنه د ويساک د مذهبي مراسمو پر مهال وشوه چې همدا شپې ورځې د ننگرهار په سره رود ولسوالۍ کې نمانځل کېږي.

د تېرو لسيزو په کورينو جگړو کې هندوان او سکان له دوه گوني – قومي او مذهبي تبعيض نه کړېږي چې آن د ويساک په څېر د يوه مهم جشن نمانځل يې هم محدود کړی دی.

تر جگړو دمخه ويساک، د رنگونو او ښاديو يوه ننداره وه چې يوه اوونۍ به يې په تېره بيا د ننگرهار سور رود په سر اخيستى و خو اوس دا هرڅه د وېرې او ترهې په سيوري کې ترسره کېږي.

د افغانستان د هندو ټولنې له يوه فعال او د پښتو ژبې له تکړه شاعر او اديب داياسنگ انجان نه زموږ همکار داود جنبش د يوې مرکې په ترڅ کې لومړى د ويساک سابقه پوښتلې ده.

دا مرکه دلته واورﺉ

په دې وسیله کې د غږ اوريدل او ویډیو لیدنه شونې نه ده.

ورته مطالب