پښتو ډرامه کښوونکى ننگ يوسفزى ومړ

ننگ يوسفزى
Image caption ننگ يوسفزى راديويي او تياتر ډرامې کښلې وې

٨٢ کلن ننگ يوسفزى په پېښور کې د چارشنبه په ورځ ومړ.

ننگ يوسفزى د پښتونخوا په سوات کې زيږيدلى و خو په کندز کې اوسېدۀ.

د ظاهر شاه په واکمنۍ کې د کندز له ولايته د ولسي جرگې د وکيل په توگه ټاکل شوى و.

دوى د تياتر او راډيو لپاره په پښتو ژبه گڼې ډرامې ليکلې وې چې ډيرې يې د پام وړ وې.

د دوى د ډرامو يوه ټولگه د " زانگو" په نامۀ څو کاله وړاندې په څو سوو مخونو کې چاپ شوه.

تور زړونه سپين مخونه د دوى د يوۀ بل چاپ شوي اثر نوم دى.

ننگ يوسفزي د کابل په راډيو کې کلونه کار کړى دى او دغه راز يې د سياسي چارو د شنناندې په توگه په ورځپاڼو کې گڼې مقالې هم کښلي دي.

په اردو ژبه يې هم د ورځپاڼو کالمونه چاپ شوي دي.

د ننگ يوسفزي نثر ځانگړى بللى شوى او د خپل نسل ممتاز ډرامه کښوونکى ياديږي.

ورته مطالب