طالبانو د وردګو د چک ولسوال وژلی دی

اسماعیل وفا د انځور حقوق
Image caption د وردګو والي د وفا په وژنې سخته خواشيني ښودلې ده.

د میدان وردګو ولایت سیمه ییز چارواکي وايي چې د چک ولسوال محمد اسماعیل وفا خپل کار ته پر لاره وسله والو طالبانو په ډزو وژلی دی.

د میدان وردګو ولایت سیمه ییز چارواکي وایي چې د چک ولسوال محمد اسماعیل وفا ولسوالۍ ته پر لاره طالبانو وژلی دی.

له ولایته خپره شوې ویناپاڼه وايي، ښاغلی وفا له خپل زوی سره یوځای کار ته روان وو چې د طالبانو له برید سره د بابا کلا سیمه کې مخامخ شو.

د نوموړي زوی ټپي شوی دی.

وسله والو طالبانو د ښاغلي وفا د وژلو پړه منلې ده.

طالبانو رسنیو ته په یوه لېږلې خبرپاڼه کې ویلي چې ښاغلی وفا نن سهار (یکشنبه، جولای ۲۹) د چګ ولسوالۍ ته نژدې د بابا کلا په سیمه کې وژل شوی دی.

دوی وايي چې اسماعیل وفا طالبانو یوې امنیتي پوستې ته نژدې وژلی دی.

طالبانو ادعا کړې، چې له ولسوال سره د هغه یو ساتونکی ټپي شوی دی.

د ویلو ده چې له تېرې اوونۍ راهیسې په دغه ولایت کې د اورپکو سخت چاڼیز عملیات دوام لري.

په دې وروستیو کې وسله والو طالبانو بریدونه ډېر کړي دي.

ورته مطالب