د هلمند په هديرو کې چاودنو مرگ ژوبله پېښه کړه

د خپريدو وخت: 08:07 گرینویچ - 19 اگست 2012 - 29 زمری 1391

تر اوسه د دې چاودنې مسووليت چا پر غاړه نه دی اخيستی.

د اختر په لومړۍ ورځ د افغانستان د هلمند په ولايت کې په قبرونو کې ځاى پر ځاى شويو ماينونو چې په ريموټ کنټرول الوزول شوي، دوه ملکي وگړي وژلي او ١٠ نور يې ټپيان کړي دي.

د هلمند ولايت په مرکز لښکرګاه ښار کې د کمکي اختر په لومړي سهار ( يکشنبه د اگست ١٩) په هديره کې د درو چاودنو له امله دوه کسه ووژل شول او ۱۰ نور ټپيان شول.

د هلمند پوليسو رسنيو ته وويل چې چاودنه د سهار په شاوخوا شپږو بجو د لښکرګاه د صافيانو په هديره کې وشوه.

پوليس وايي ناپيژندل شويو کسانو په هديره کې د ناوې ولسوالۍ د امنيه قوماندان او د وژل شوي ورور د قبر ترڅنګ په درېيو قبرونو کې ماينونه ځای پر ځای کړي وو.

د دوی د کورنۍ غړي نن سهار هديرې ته د دعا لپاره ورغلي وو چې د ريموټ کنټرول په وسيله چاودنې وشوې چې له امله يې دوه تنه ووژل شول او يو شمېر نور ټپيان شول.

لښکرګاه کې د روغتون مسوولين وايي چې له دغې پېښې ورته دوه مړي او ۱۰ ټپيان را وړل شوي دي.

سرچينې د ټپيانو روغتيايي حالت د ډاډ وړ وباله.

تر اوسه د دې چاودنې مسووليت چا پر غاړه نه دی اخيستی.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .