مدني ټولنې د افغان جګړې پای غواړي

د خپريدو وخت: 16:54 گرینویچ - شنبه‬ 22 سپتمبر 2012 - 01 تله 1391

په غونډه کې د مدني ټولنو لسګونو استازو ګډون کړی وو.

په افغانستان کې یو شمېر مدني ټولنو د سولې نړیواله ورځ ولمانځله.

په دغه غونډه کې د مدني ټولنو لسګونه استازو ګډون کړی وو.

دوی په جګړه کې له ښکېلو غاړو، افغان ولس او نړیوالې ټولنې وغوښتل، چې په افغانستان کې د روانې جګړې د پای ته رسولو لپاره هڅې وکړي.

دغه غونډه د سولې د نړیوالې ورځې په ویاړ د افغانستان د مدني ټولنې د همغږۍ د مرکز له خوا جوړه شوې وه.

په غونډه کې د مدني ټولنو لسګونو استازو ګډون کړی وو.

یو شمېر ځوانانو سپینې جامې په تن کړې وې او شنې پټۍ یې تر ملاوو راتاو کړې چې موږ د سولې لارویان یو شعار یې پر لیکلی و.

د غونډې ګډون والو له افغان دولت، وسله والو مخالفینو او نړیوالو وغوښتل چې په افغانستان کې د روانې جګړې د پای ته رسولو لپاره دې رښتینې هڅې وکړي.

دوی همداراز په جګړه کې د ولسي وګړو د مرګ ژوبلې په اړه اندېښنه وښوده.

د مدني ټولنې د همغږۍ مرکز غړي ډاکټر خوشال روهي وویل، له افغان ولس څخه غوښتنه وکړه، چې د جګړې په پای ته رسولو کې دې ونډه واخلي.

د غونډې په وروستۍ برخه کې د سولې په اړه یوه لنډه مشاعره وشوه.

په ۱۹۸۱ کال ملګرو ملتونو د یوې اعلامیې په خپرولو د سپتمبر ۲۱د سولې د نړیوالې ورځې په نامه ونوموله.

له دې کاره یې موخه په نړۍ کې د یو مخیزې سولې په راوستو ټینګار وو.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .