غزني کې د درو وهلو امر ورکوونکی ملا نیول شوی

د خپريدو وخت: 12:38 گرینویچ - سه شنبه 25 سپتمبر 2012 - 04 تله 1391

په همدې اړه د دوشنبې په ورځ په کابل کې لاریون وشو او د قانون منګولو ته د دغې پېښې د عاملینو د سپارلو غوښتنه یې وکړه.

په غزني کې ولایتي چارواکي وايي د څلورو ملایانو په ګډون یې ۱۴ تنه د هغو ادعاوو د سپیناوي لپاره نیولې چې ګواکې د دوی په امر یوه نجلۍ په درو وهل شوې ده.

د غزني د جاغوري ولسوالۍ د یوې اوسېدونکې مور او پلار ادعا کړې چې د دې ولسوالۍ ملایانو د دوی لور د ناروا جنسي اړیکو په تور په درو وهلې ده.

ویل کېږي د دغو ملایانو د پرېکړې له مخې له دغې نجلۍ سره د ناروا جنسي اړیکو د لرلو له امله اتیا زره افغانۍ جریمه شوی دی.

د غزني ولایت د جاغوري ولسوال ظفر شریف بي بي سي ته وویل د دې ولسوالۍ د یوې اوسېدونکې د مور او پلار د ادعا له مخې چۍ ګواکې د سیمې د ملایانو او مشرانو د پریکړې پر بنسټ د دوی پنځلس کلنه لور د ناروا جنسي اړیکو په تور په درو وهل شوي، لس تنه قومي مشران او څلور ملایان نیول شوي.

په درو د تورنې نجلۍ د وهلو په اړه په رسنیو کې د راپورنو له خپرېدو وروسته د بشري حقونو فعالینو دغه کار وغانده او هغه یې د اساسي قانون عمل وباله.

په همدې اړه د دوشنبې په ورځ په کابل کې لاریون وشو او د قانون منګولو ته د دغې پېښې د عاملینو د سپارلو غوښتنه یې وکړه.

تادیبي سزا

خو د غزني والي وايي تورنه نجلۍ په دورو نده وهل شوې او یوازې کورنۍ ته یې تادیبي سزا ورکړل شوې ده.

ولسي جرګې هم د تېرې چارشنبې په ورځ په خپله عمومي غونډه کې د جاغوري پېښه وڅېړله او پرېکړه یې وکړه چې د دغې پېښې د څېړلو په موخه جاغوري ولسوالۍ ته پلاوی واستوي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .