نغمه وايي ښځينه سندر غاړې لوى زړۀ غواړي

د خپريدو وخت: 16:26 گرینویچ - چارشنبه 26 سپتمبر 2012 - 05 تله 1391

نغمه: په غږ مشهوره يم نه په حسن

د پښتو ژبې مشهوره سندرغاړې نغمه د بي بي سي پښتو وېبپاڼې مېلمنه وه. له ایمل پسرلي سره په دې ويديويي مرکه کې نغمې پر خپل هنر او شخصي ژوند رڼا اچولې ده.

ليدلmp4

تاسو د فلش پروگرام سمه بڼه نه لرئ

په يو بل غږونکي کې يې وغږوئ

د پښتو ژبې مخکښې سندرغاړې نغمې د بي بي سي پښتو وېبپاڼې په يوې ځانگړې مرکې کې د خپل ژوند او هنر له ډېرو نويو اړخونو پرده پورته کړه.

نغمې ومنل چې د خپل هنري ژوند په لار کې يې ډېر کړاونه ليدلي دي.

دغې مشهورې سندرغاړې دا باور لارۀ چې د دې لوڼه ښايي هغه ستونزې ونه گالي چې دې د خپل هنر په لار کې په غاړه واخيستې.

نغمې د خپل پخواني همکار او مېړۀ، منگل يادونه هم وکړه او ويې ويل چې له هغه څخه تر بېلېدو وروسته تر يوۀ وخته دې په هنري ډگر کې ستونزې لرلې خو د دې په وينا ژر بېرته په خپلو پښو ودرېده.

د بي بي سي پښتو فېسبوک مينه والو د پوښتنو په ځواب کې نغمې وويل چې دې بل وادۀ کړى دى او له خپل نوي مېړۀ سره په اسلام اباد کې ژوند کوي.

دې وويل چې مېړۀ يې افغان دى خو د هغۀ په باب يې نور څه ونه ويل.

دې وويل چې مېړۀ يې افغان دى خو د هغۀ په باب يې نور څه ونه ويل.

نغمې د يوې پوښتنې په ځواب کې دا ونه منل چې گواکې تر غږ يې ښکلا ورسره ډېره مرسته کړې ده.

دې ومنل چې د هنري ژوند په لومړنيو کلونو کې يې غږ معصوم او پوست و خو ورسره زياته يې کړه چې وروسته وروسته يې غږ پوخ شوى دى.

نغمې په خپلو سندرو کې د تنوع موضوع ته په اشارې ټينگار لارۀ چې غواړي يوازې پښتو موسيقي وکاروي.

د پښتو ژبې دغې مخکښې سندرغاړې هغه گنگوسې هم رد کړې چې گواکې فرزانه ناز د دې لور ده.

نغمې شاوخوا ٥٠٠٠ سندرې ثبت کړي دي او وايي د ژوند تر پايه به سندرو ته دوام ورکوي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .