ولسمشر کرزی راتلونکې اوونۍ امریکا ته ځي

د خپريدو وخت: 06:15 گرینویچ - چارشنبه 02 جنوري 2013 - 13 مرغومی 1391

چارواکي وايي چې ولسمشر حامد کرزى به د افغانستان د ملي امنيت د مشر اسدالله خالد د روغتيا پوښتنه هم وکړي.

د افغان ولسمشر حامد کرزي وياند ايمل فيضي د يوې خبري غونډې په ترڅ کې د ولسمشر د سفر په اړه معلومات ورکړل، امريکا ته د سفر په اړه، د هغه سفر په اړه چې گڼ شمېر افغانان يې د خپل هېواد لپاره برخليک جوړونکى بولي.

ښاغلي فيضي وويل چې هېواد به يې د دغه سفر په ترڅ کې د خپلو ملي گټو د خوندي کولو هڅه کوي.

هغه په دې تړاو چې د دواړو هېوادونو چارواکي به د دغه سفر په ترڅ کې د خپل منځي امنيتي تړون پر منځپانگه خبرې اترې کوي، وویل، چې تړون به تر ٢٠١٤ ميلادي کال وروسته په افغانستان کې د امريکايي ځواکونو د شتون څرنگوالى جوت کړي.

"يوه موضوع چې د دغه سفر په ترڅ کې به پرې خبرې کېږي، هغه امنيتي سند دى، چې څومره شمېر امريکايي سرتېري به په افغانستان کې پاتې کېږي، د يو شمېر نورو داسې خبرو په اړه به هم بحث کېږي چې له دغه امنيتي تړون سره تړاو لري.

"ښاغلي ایمل فيضي څرگنده کړه چې افغان او امريکايي چارواکي به د نورو دوه اړخيزو اړيکو په اړه هم خبرې وکړي، لکه تر ٢٠١٤ ميلادي کال وروسته د امريکا له خوا د افغانستان ملاتړ کول."

د دغه سند په اړه خبرې اترې پيل شوې دي، په ټوله کې به ووايم چې د دغه سفر په ترڅ کې پر عمومي اساساتو خبرې کېږي، چوکاټونه به ټاکل کېږي چې پر بنسټ به يې د دواړو هيوادونو حکومتي چارواکي خبرې اترې روانې ساتي، چې يوه برخه يې د امنيتي سند په اړه خبرې اترې کول دي."

ښاغلي فيضي څرگنده کړه چې افغان او امريکايي چارواکي به د نورو دوه اړخيزو اړيکو په اړه هم خبرې وکړي، لکه تر ٢٠١٤ ميلادي کال وروسته د امريکا له خوا د افغانستان ملاتړ کول. نوموړي وویل، چې بله غاړه به افغانان ځواکونو ته د امنيت د لېږد او د سولې بهيرونه هم وارزول شي.

اړوند چارواکي وايي چې ولسمشر حامد کرزى به د افغانستان د ملي امنيت د مشر اسدالله خالد د روغتيا پوښتنه هم وکړي، چې اوسمهال یې د امريکا په يوه روغتون کې درملنه کېږي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .