سږکال له افغان ښځو سره تاوتریخوالی ''ډېر شوی''

د خپريدو وخت: 13:20 گرینویچ - دوشنبه 07 جنوري 2013 - 18 مرغومی 1391
ښځې

د اړوندو ادارو له خوا د خپرو شویو شمېرو له مخې په روان کال کې شاو خوا ۷۰۰ د تاوترخوالي پېښې د عدلي او قضايي ادارو لخوا څېړل شوي دي.

د افغانستان د بشري حقونو خپلواک کمیسیون وايي، چې د تېر کال په پرتله په روان کال کې د ښځو پر وړاندې تاوتریخوالی ۲۸ سلنه ډېر شوی دی.

د بشري حقونو د خپلواک کمیسیون د ښځو د برخې مشره ثریا صحبرنګ د ښځو د ناوړه حالت په اړه اندېښنه څرګندوي او وايي، چې ډېرې دغه پېښې د افغانستان په شمال او سویل لویدیځ کې ترسره شوي دي.

خو د افغانستان د ښځو چارو وزارت شمېرې بیا د بشري حقونو د خپلواک کمیسیون له شمېرو سره تو پیر لري او دغه شمېرې لږ ښیي.

د ښځو چارو وزارت مرستیاله سیده مژګان مصطفوي وايي، په هېواد کې د ښځو پر وړاندې د تاوتریخوالي ډېری عاملین نیول شوي او محکمه شوي هم دي خو ځینې يی له هېواده بهر په تېښته بریالي شوي دي.

خو له دې سره سره د بشري حقونو خپلواک کمیسیون وايي، د ښځو پروړاندې د تاوتریخوالي ډېرې پېښې په ناامنو سیمو کې ثبت شوي دي.

د اړوندو ادارو له خوا د خپرو شویو شمېرو له مخې په روان کال کې شاو خوا ۷۰۰ د تاوترخوالي پېښې د عدلي او قضايي ادارو لخوا څېړل شوي دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .