هلمند کې ښوونځی سوځول شوی

د خپريدو وخت: 09:11 گرینویچ - پنجشنبه 14 فبروري 2013 - 26 سلواغه 1391

تر دې دمه کومې وسله والې ډلې د دغې پېښې په اړه څه نه دي ویلي.

هلمند کې ناپېژاندو وسله والو یو ښوونځی سوځولی.

د دغه ولایت چارواکي وایي، تېره شپه ددغه ولایت په نهرسراج ولسوالۍ کی یو منځنی ښوونځی د ناپېژاندو وسله والوله خوا سوځول شوی.

د هلمند ولایت د پوهنې رییس محمد نسیم صافی وایي، په دې ښوونځي کې شاوخوا ۴۰۰۰ زده کوونکو زده کړه کوله.

دی وايي، چې په دغه ښوونځي کې د وسله والو له خوا ماینونه هم ځای پرځای شوي وو، چې د چاودېدو له کبله یې د ملې امنیت دوه کارکوونکي ټپیان شوي هم دي.

دغه ښوونځی پرداسې مهال سوځول کېږی چې اوونۍ وړاندې یوشمېر هلمندیانو په کابل کې د یوه لاریون پر مهال له مرکزي دولته د ښوونځیو د جوړولو غوښتنه کړې وه.

تر دې دمه کومې وسله والې ډلې د دغې پېښې په اړه څه نه دي ویلي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .