میلیونونه افغانان د خوړو خوندیتوب نه لري

د خپريدو وخت: 05:55 گرینویچ - سه شنبه 19 فبروري 2013 - 01 کب 1391

دغه مرستې به تر ډېره له هغو کورنیو سره وشي، چې د خوړو خوندیتوب نه لري.

د خوړو نړیوال سازمان وايي د څه باندې اووه میلیونه اړو افغانانو له ډلې څخه له څه باندې دوه میلیونه کسانو سره د خوړو د موادو مرسته کوي. دغه مرستې به تر ډېره له هغو کورنیو سره وشي، چې د خوړو خوندیتوب نه لري.

د دې خوړو د چمتو کولو لپاره ۱۴۵ میلیونه ډالرو ته اړتیا ده، چې تر اوسه یې یوازې ۶۰۰ تر لاسه شوي دي. د خوراک نړیوال سازمان وايي افغانستان کې تر ۷ ملیونه ډېر کسان د خوړو خوندیتوب نه لري.

یاد سازمان وايي زیاتره دغه کسان ښځې او ماشومان دي، چې خوراکي مرستو ته اړ دي. افغانستان کې د خوړو د نړیوال سازمان ویندوی اسدالله ازهري وايي، چې سازمان یې غواړي په روان کال کې تر دوو میلیونو زیاتو افغانانو سره خوراکي مرستې وکړي.

"د دې خوړو د چمتو کولو لپاره ۱۴۵ میلیونه ډالرو ته اړتیا ده. چارواکي وايي مرستندویه هېوادونو وروسره ژمنه کړې، چې دغه پېسې به ورکوي. د دوی په وینا دې لړ کې تېره ورځ لکسمبورګ د ۶۰۰ زره ډالرو مرسته وکړه."

"ډبلیو سي په پام کې لري، چې سږ کال په ټول افغانستان کې له دوه اشاریه څلور میلیونه بیوزله افغانانو سره ، چې د خوړو له پلوه نا امنه دي، له دوی سره خوراکي مرستې وکړي."

د دې خوړو د چمتو کولو لپاره ۱۴۵ میلیونه ډالرو ته اړتیا ده. چارواکي وايي مرستندویه هېوادونو وروسره ژمنه کړې، چې دغه پېسې به ورکوي. د دوی په وینا دې لړ کې تېره ورځ لکسمبورګ د ۶۰۰ زره ډالرو مرسته وکړه.

ښاغلی ازهري وايي په دې پېسو به زیاته انرژي لرونکي بسکټ واخلي او د ښوونځیو په هغو زده کوونکو به یې ووېشي، چې د خوړو خوندیتوب نه لري. د خوړو نړیوال سازمان په نړیواله کچه له لوږې سره د مبارزې لوی سازمان دی.

دغه سازمان هر کال د نړۍ په نژدې ۷۰ هېوادونو کې له څه باندې ۹۰ میلیونه کسانو سره مرسته کوي. دغه سازمان له ۱۹۶۳ راهیسې په افغانستان کې فعالیت کوي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .