هغه ناروغۍ چې انسان یې مخنیوی کولی شي

Image caption ځینې وخت د ویښتو سپینېدل د سګرټ څکولو او هم د B5 او B12 ویټامینونو د کمښت له امله وي.

که هر څوک د خپل بدن په اړه فکر وکړي، نو په دې به پوه شي چې خدای پاک په خپل خلقت سره د هر انسان بدن داسې جوړ کړی چې خپله ورسره خبرې کوي، که د خپل بدن غږ او خبرداریو ته غوږ شی نو له سختو روغتیايي ستونزو سره به نه مخ کیږﺉ.

چې ځینې بېلګې یې په دې ډول دي:

۱ـ همیشنۍ لوږه:

که هر څومره ډوډۍ خو خېټه مو نه مړیږي، نو په دې معنی دی چې ستاسو بدن د خوړو د هضمولو په برخه کې ستونزه لري او یا هم نه شي کولای اړین غذايي مواد جذب کړي. په پایله کې خوږو خوړو ته لېوالتیا ډېریږي، ځکه بدن غواړي چې ژر انرژی ترلاسه کړي او د خوږو خوړل تر ټولو ښه او آسانه لار بلل کیږي.

حل لار: د بېلابېلو خوړو د خوړولو له لارې د بدن له هاضمې سیستم سره مرسته کوﺉ. او یوه میاشت د ډاکټر تر نظر لاندې هغه خواړه وخورﺉ چې په جوړښت کې یې د هاضمې انزایمونه موجود وي. دغه راز د خوراک بر مهال ډېرې اوبه مه څښی ځکه اوبه د معدې هاضموي مواد له رقیق حالته باسي. هڅه وکړﺉ چې په داسې حالتونو کې پروتینونو ته لومړیتوب ورکړﺉ.

۲ـ د ویښتو پخه ( سبوسک)

ددغې ستونزې د حل لپاره ځینې وخت له بېلابېلو شامپوګانو کار اخیستل کیږي او کله ناکله اغېز هم کوي خو وروسته تر لنډې مودې بیا هم ستونزه موجوده وي. که ستاسو د ویښتانو په منځ کې سپینه پخه یا سبوسک لیدل کیږي نو په دې معنی ده چې وجود مو B6 ویټامینون او یا هم مګنیزیم له کمښت سره مخ دی. ځینې وخت نور لاملونه هم موجود وي د بېلګې په توګه هورموني ګډودۍ، روحي فشارونه او یا هم د ډول ډول ډېرو خوږو خوړل او داسې نور.

Image caption که هر څومره ډوډۍ خو خېټه مو نه مړیږي، نو په دې معنی دی چې ستاسو بدن د خوړو د هضمولو په برخه کې ستونزه لري او یا هم نه شي کولای اړین غذايي مواد جذب کړي

حل لار: د سر پخې د له منځه وړلو لپاره ښه لار د تازه سبزیو، هغو غلو دانو چې ډېر پروتین او لږ غوړ لري خوړل ګټور دي. د خوړو په رژیم کې باید د غوړو او خوږو کچې هم په پام کې ونیول شي، له هغه څښاکه ډډه وکړﺉ چې په خپل جوړښت کې ډېر کافین لري.

د شلغم، نخودو، ممپلي، کبانو او الوتونکو غوښې خوړل په دې برخه کې ستاسو سره مرسته کولای شي.

۳ـ پرته له ډېر خوراکه چاغښت:

ځینې کسان ډېر خوراک کوي او په کافي اندازه خوځښت هم لري. خو کله چې خپل وزن ته ګوري نو ورځ په ورځ لوړیږي. تل ځان د کمزورۍ احساس هم کوﺉ. په داسې حالتونو کې ستاسو د وجود تیرویید سم کار نه کوي او بدن نه شي کولای چې ټوله ترلاسه شوې انرژي ولګوي نو ځکه مو د بدن وزن ډیریږي.

حل لار: د خپل بدن د تایرویید آزموینه وکړﺉ، په خپلو خوړو کې د ویتامین B لرونکو موادو ته ځای ورکړﺉ، کبان وخورﺉ. دغه راز د بادامو، چارمغزو، کیلې او نورو حبوبات خوړل هم مه هېروﺉ.

۴ـ د بدن د پوټکي وچ والی:

ځینې وخت د یو شمېر کسانو د بدن پوټکی وچ او ډېر حساس شي او په دغې ناروغۍ اخته کس مجبوره وي چې اغېزمنه شوې برخه وګروي. ښايي ددې ناروغۍ یو لامل هم سمندري خوړو ته نه لاسرسی وي، دغه راز د چارمغزو نه خوړل هم د داشان جلدي ناروغیو لامل کېدای شي.

Image caption ځینې کسان ډېر خوراک کوي او په کافي اندازه خوځښت هم لري. خو کله چې خپل وزن ته ګوري نو ورځ په ورځ لوړیږي.

په سمندری خوړو او چارمغزو کې امګا ۳ غوړ اسیدونه شته چې پوټکۍ تازه ساتي. زیاتره وخت په دغې ناروغۍ اخته کسانو کې د دیهایدریشن یا د بدن د اوبو کموالي ستونزه هم موجوده وي.

حل لار: په دغې ناروغۍ اخته کسان دې هڅه وکړي چې په اونۍ کې لږترلږه درې ځله د سړو اوبو کبانو غوښې نوش جان کړي او که ممکنه وي نو لږترلږه یوه میاشت دې غنمین او شیدو جوړېدونکو محصولاتو له خوړولو ډده وکړي. او د ورځې تر اتو ګیلاسونو اوبه وڅښی.

۵ـ په ځوانۍ کې د ویښتو سپینېدل او سګرټ څکول:

ځینې وخت د ویښتو سپینېدل د سګرټ څکولو او هم د B5 او B12 ویټامینونو د کمښت له امله وي.

اندېښنه مه کوﺉ، لږ ترلږه درې میاشتې ویټامین B کمپلکس چې په خپل جوړښت کې B5 او B12 ولري وکاروﺉ. د چای او قهوې له ډېر څښلو ډده وکړﺉ ځکه ددغو ویټامینونو کچه راټیټوي. د سګرټو قوطی هم لېرې د کثافاتو منځ ته وغورځوﺉ، ځکه سګرټیان د نورو په پرتله څلور ځله د ویښتو د سپېندو له ګواښ سره مخ دي.

ورته مطالب