د بغلان ولایت د پوځي څارنوالۍ مشر وژل شوی

د انځور حقوق f

د افغانستان بغلان ولایت کې د پوځي څارنوالۍ مشر نن سهار (سپتمبر ۱) د نامعلومو وسله والو له خوا ووژل شو.

د بغلان ولایت د پولیسو ویاند احمد جاوید بشارت وايي، د دغه ولایت د نظامي څارنوالۍ مشر سید منور اغا د ناپېژاندو وسله والو له خوا په ډزو وژل شوی.

د نوموړي په وینا، دغه برید د دغه ولایت په مرکز پلخمري ښار په لادوري سیمه کې وشو.

کله چې نوموړی له کوره د دفتر په لور روان و، برید پرې وشو.

برید کوونکي له سیمې تښتېدلي او په دې اړه څېړنې روانې دي.

د دې برید مسؤولیت تر دې دمه هېڅ کومې ډلې پر غاړه نه دی اخیستی.

څو میاشتې مخکې هم په کابل او شمالي ولایت بلخ کې د څارنوالۍ پر کارکوونکو بریدونه شوي.

په هغه وخت کې په کابل کې پر لوې څارنوالۍ د دوو ځانمرګو بریدونو له کبله او د بلخ ولایت پر څانوالۍ ډله ییز برید کې لږ تر لږه ۲۲ کسان ووژل شول او ۹۲ نور ټپیان شول.

ورته مطالب